ماہنامہ انوار مدینہ لاہور اپریل 2017 |
اكستان |
|
انحطاط اور اُس کے تدارک کی اجتماعی کوشش کی اہمیت پر زور دیا، حضرت مہتمم صاحب کے بیان کے بعد جامعہ جدید کے فضلاء میواتی برادران نے جامعہ اور اساتذہ کی مدح میں لکھا گیا ترانہ سامعین کو سنایا۔ آخر میں مہمانِ خصوصی حضرت مولانا ڈاکٹر محمد عبد الحلیم صاحب چشتی مدظلہم العالی نے اختتامی درس دیا جس میں محدثانہ نکات بیان فرماتے ہوئے فقہاء اور ائمہ مجتہدین کے مرتبہ عالی پر روشنی ڈالی، اِجتماعی دُعا سے قبل فارغ التحصیل طلباء میں سے سات کااِجتماعی نکاح ہوا بعد اَزاں جامعہ کے فضلاء کی دستار بندی ہوئی۔ اِس مبارک تقریب میں کثیر تعداد میں فضلاء کے عزیز واَقارب اور معزز حضرات اور دیگر بہت سے مہمانانِ گرامی ملک بھر سے تشریف لائے ، صبح نو بجے تقریب کا آغاز ہو کر دوپہرایک بجے اِختتام ہوا۔ ٢٥ مارچ کو بعد نمازِ عشاء شیخ الحدیث حضرت مولانا سیّد محمود میاں صاحب ،فاضلِ جامعہ مولانا عبدالرؤف صاحب کی دعوت پر اُن کے مدرسہ جامعہ سیّدنا عمر بن خطاب قصور میں منعقد ہونے والی سالانہ تقریب ِدستار بندی و تقسیمِ اسناد میں شرکت کے لیے تشریف لے گئے جہاںآپ نے دین کی بنیادی چیزیں سیکھنے پر زور دیا، قبل ازیںمولانا فہیم صاحب کے اصرار پر بعد نمازِ مغرب جامعہ تعلیم القرآن کھڈیاں خاص میں حضرت نے اتباعِ سنت کی اہمیت پر جامع بیان فرمایا۔ ٢٥ جمادی الثانی ١٤٣٨ھ/٢٥ مارچ ٢٠١٧ء کو جامعہ مدنیہ جدید میں سالانہ امتحانات منعقد ہوئے اور ٢ رجب المرجب سے جامعہ میں سالانہ تعطیلات ہوگئیں۔ ٢٦ مارچ کو بعد نمازِ مغرب جامعہ اسلامیہ باب العلوم کہروڑپکا کے شیخ الحدیث حضرت مولانا منیر احمد صاحب منور مدظلہم جامعہ مدنیہ جدید تشریف لائے اور حضرت مہتمم صاحب سے اُن کی رہائشگاہ پر ملاقات فرمائی۔ ٢٢ رجب ١٤٣٨ھ/٢٤ اپریل ٢٠١٧ء کو اِمتحانی مرکزجامعہ مدنیہ جدید میں وفاق المدارس کے سالانہ اِمتحانات منعقد ہوں گے جس میں جامعہ کے کل 173 طلباء شرکت کریں گے۔