اصلی پیر کی پہچان |
ہم نوٹ : |
 |
کر اپنے خزانۂ جذب کا اعلان نہ کیاہوتاتو ہم آپ کے اس خزانہ سے کچھ بھی مانگنے سے محروم رہ جاتے لیکن جب آپ نے ہم کو اپنے اس خزانہ سے آگاہ کردیا تو ہم آپ کے بندے ہیں، آپ کے خزانہ کی طرف نگاہِ اُمید ڈالتے ہیں کہ جیسے آپ نے اپنی رحمت سے ان بزرگوں کو جذب فرمایا تھا ہماری جانوں کو بھی جذب کرلیجیے۔ یہ مہینہ رمضا ن المبارک کا ہے ،عرش کے اٹھا نے والے فرشتوں کو آپ نے مسلمانوں کی دعاؤں پر آمین کہنے پر لگایا ہو اہے اور آپ کریم ہیں، کریم کی تعریف ملّا علی قاری رحمۃ اللہ علیہ نے کی ہے کہ کریم وہ ذات ہے جو نالائقوں پر فضل کر دے، بندوں کی نااہلی کے باوجود انہیں اپنے کرم سے محروم نہ فرمائے ۔ اے خدا اگر آپ نے ہما ری نالائقی پر اور ہماری نااہلیت پر نظر فرمائی تو ہم سب کے سب محروم ہوجائیں گے لہٰذا اپنے کریم ہونے کی صفت کا ظہور ہم سب پرفرمائیے اور اپنے دستِ کرم کو ہماری خالی جھولیوں کی جانب بڑھائیے، ہماری نااہلیت کے باوجود، ہماری نالائقی کے باوجود ہم سب کو جذب کرکے اپنے اولیاء صدیقین کی آخری سرحد تک پہنچا دیجیے، آپ کریم ہیں، آپ کو کچھ مشکل نہیں،اس لیے اولیاء صدیقین کی آخری سرحد جہاں پہنچ کر ولا یت ختم ہو جاتی ہے، اپنے فضل سے ہم سب کو اس مقا م تک پہنچا دیجیے اور رمضا ن کے مبارک مہینہ کی برکت سے اسی وقت فیصلہ فرما دیجیے، اب اس رمضان کا کو ئی اور جمعہ نہیں آئے گا، آج جمعہ کے مبارک دن کی برکت سے ہماری جانوں کو محروم نہ فرمائیے، جو لوگ اس وقت موجود نہیں ہیں مگر مجھ سے محبت رکھتے ہیں ان سب کے اور میرے رشتہ داروں کے حق میں اس دعا کو قبول فرمائیے، پورے عالم کے مسلمانوں پر فضل فرمائیے اور عافیتِ دارین نصیب فرما ئیے۔ اے اﷲ ہمارے بچے کسی بھی بُری را ہ پر نہ چلنے پائیں، اپنی خصوصی حفاظت ان کو نصیب فرما دیجیے۔ اے خدا، جیسا آپ نے ہمارا رمضان گزرا اپنی رحمت سے ہم کو سارا سال اسی طرح تقویٰ کی خصوصیات نصیب فرما دیجیے اور آپ اپنے دوستوں کو ان کے سینوں میں جو خفیہ خزانہ دیتے ہیں وہ ہم کیا جانیں، وہ آپ کے اولیاء ہی سمجھ سکتے ہیں لیکن ہم آپ سے اتنا عرض کر تے ہیں کہ اے کریم آپ اپنے اولیاء کو جو کچھ دیتے ہیں چاہے ظاہر میں دیں یا خفیہ کرکے دیں آپ تو اسے جانتے ہیں اس لیے آپ اپنے علم کے اعتبار ہم سب کو بھی وہ تمام نعمتیں عطا فرما دیجیے، ہماری دنیا بھی بنادیجیے اور آخرت بھی بنا دیجیے اور سلامتیِ اعضاء اور