اصلی پیر کی پہچان |
ہم نوٹ : |
 |
عالم کا کیا عالم ہوگا۔ دعا کیجیے کہ اللہ تعالیٰ اپنی رحمت سے ہمارے قلب وجا ں کو اپنی ذاتِ پاک کے ساتھ اس طرح چپکالیں کہ سارا عالم ہمیں اللہ سے ایک اعشاریہ بھی دور نہ کرسکے۔ اہل اﷲ کے قصے سنانے کا مقصد کیا ہونا چاہیے؟ اللہ تعالیٰ کے چند اولیاء جن کو اللہ نے جذب فرما یا تھا آج ان کے قصے بیا ن کروں گا اور اللہ سے یہ عرض کروں گا کہ جس طرح آپ نے انہیں جذب کیا تھا ہم کو بھی جذب کر لیں کیوں کہ ان قصوں کو سنانے کا مقصد یہی ہے، یہ انبیاء کی سنت چلی آرہی ہے، جب حضرت زکریا علیہ السلام نے حضرت مر یم علیہا السلام کے پاس دیکھا کہ عالمِ غیب سے بغیر مو سم کے پھل آئے ہو ئے ہیں ہُنَالِکَ دَعَا زَکَرِیَّا رَبَّہٗ 3؎ اس و قت انہوں نے دعا کی کہ یااللہ! مجھ پر بھی فضل کر دیجیے، مجھ کو بھی بڑھا پے میں اولاد دے دیجیے۔ تو معلوم ہوا کہ جب کسی اللہ والے پر کوئی خصوصی فضل ہو جا ئے تو اس کے صدقے میں ہم کو بھی دعا ما نگنی چا ہیے۔ لیکن ان اولیاء اﷲ کے قصے سننے سے پہلے ایک حدیث سن لیجیے۔ حضورصلی اللہ علیہ وسلم کی تین محبوب چیزیں سرورِ عالم صلی اللہ علیہ وسلم نے ارشاد فرما یا کہ اس دنیا میں مجھے یہ چیزیں محبوب ہیں خوشبو، نیک بیوی اور نما ز میری آنکھو ں کی ٹھنڈک ہے4؎ اور ایسی ٹھنڈک ہے کہ اس وقت بیوی بھی یاد نہیں رہتی۔ حضرت عا ئشہ رضی اللہ عنہا فرماتی ہیں کہ ہم سرورِ عالم صلی اللہ علیہ وسلم کے ساتھ گفتگو میں مصروف ہو تے تھے اِذَا سَمِعَ الْاَذَانَ لیکن جب اذان کی آواز آتی تھی کَأَنَّہٗ لَمْ یَعْرِفْنَا تو آپ پہچانتے بھی نہیں تھے کہ عا ئشہ کہا ں گئی۔ یہ نبوت کا مقا م ہے۔ وہ نالائق اپنے حواس درست کر لیں جو عا ئشہ صدیقہ رضی اللہ عنہاکی کم عمری سے یہ سمجھتے ہیں کہ نعوذ باللہ حضور صلی اللہ علیہ وسلم نے اپنے عیش کے لیے ان سے نکاح کیا تھا حالاں کہ اللہ کے نبی نے بہت صبر کیا تھا،حضورصلی اللہ علیہ وسلم کو چار ہزار مردوں کی طاقت _____________________________________________ 3؎اٰل عمرٰن:38 4؎سنن النسائی: 92/2، باب حب النساء،المکتبۃ القدیمیۃ