اہل اللہ اور صراط مستقیم |
ہم نوٹ : |
 |
کو راس نہیں آیا۔یہ علامت اس کے عند اللہ مقبول ہونے کی ہے۔ مناجات و ذکر و تلاوت کے فوائد دوستو! بازار میں مناجاتِ مقبول ملتی ہے، اس میں سات منزلیں ہیں، ہر روز ایک منزل آپ پڑھ لیں تو یہ ساری دعائیں آپ کو آجائیں گی، پانچ منٹ دس منٹ لگیں گے۔ ایک منزل روزانہ پڑھ لیجیے۔ میرے شیخ شاہ عبدالغنی صاحب رحمۃ اللہ علیہ ساتوں منزل روزانہ پڑھتے تھے اور سب زبانی یاد تھیں، ہم آپ ایک منزل بھی پڑھ لیں تو بڑی چیز ہے۔ آپ ایک منزل پڑھیں تو ان شاء اللہ سب دعائیں یاد ہوجائیں گی، سال چھ مہینہ جب آپ پڑھیں گے تو بغیر ارادہ خودبخود یاد ہوجائیں گی بلکہ اگر ارادہ بھی کرو کہ ہم یاد نہیں کریں گے لیکن آپ چھ مہینہ پڑھ کے تو دیکھیے سب دعائیں خود بخود یاد ہو جائیں گی۔ قرآن شریف کی دعائیں اور حضور صلی اللہ علیہ وسلم کی ارشاد فرمودہ دعائیں ہیں، اس کا معمول بنالیجیے،اور جو شیخ نے ذکر بتایا ہے اس پر عمل کریں۔ تلاوت کا خاص اہتمام چاہیے اور ایک پارہ تلاوت کرلیں یا آدھا پارہ سہی جتنا ہوسکے، کم از کم دس آیات تو روزانہ تلاوت کرنا چاہیے ورنہ قیامت کے دن مواخذہ ہوگا کہ اللہ تعالیٰ فرمائیں گے کہ تم نے میرا کلام اُٹھاکر طاق میں رکھ دیا تھا۔کم از کم دس آیات کا تو معمول بنالیجیے۔ دو تین منٹ کا کام ہے۔یہ تو ادنیٰ درجہ ہے، لیکن اللہ والوں کا یہ شیوہ نہیں ہے، اس لیے ایک پارہ یا آدھا پارہ تلاوت قرآن شریف، ایک منزل مناجاتِ مقبول اور جو شیخ نے ذکر بتایا ہے وہ کرلے، ان شاء اللہ محروم نہیں رہے گا۔ معیتِ حق کا کمالِ استحضار اور اس کی مثال اتنا دل میں نور آجائے گا کہ گناہ کرنے کی اس میں ہمت ہی نہیں رہے گی۔ایک صاحب نے اپنے ایک مہمان سے کہا کہ اس کمرے میں سوجائیے، اس کمرے میں شیر کا بچہ