Deobandi Books

کرتے ہوئے شرم نہیں آتی؟‘‘
حضرت ابو طلحہؓ پر اس تقریر کا اتنا اثر ہوا کہ فوراً مسلمان ہوگئے۔
آنحضرتﷺ سے حد درجہ محبت کرتی تھیں، آپ اکثر ان کے مکان پر تشریف لے جاتے اور دوپہر کو آرام فرماتے تھے، جب بستر سے اُٹھتے تو وہ آپ کے پسینے اور ٹوٹے ہوئے بالوں کو ایک شیشی میں جمع کرتی تھیں۔1 
ایک مرتبہ آنحضرتﷺ نے ان کی ۔َمشک سے منہ لگا کر پانی پیا تو وہ اُٹھیں اور ۔َمشک کا منہ کاٹ کر اپنے پاس رکھ لیا کہ اس سے رسول اللہﷺ کا دہنِ مبارک ۔َمس ہوا ہے۔2 
آنحضرتﷺ کو بھی ان سے خاص محبت تھی۔ صحیح مسلم میں ہے:
کَانَ النَّبِیُّﷺ لَایَدْخُلُ عَلَی اَحَدٍ مِّنَ النِّسَائِ اِلَّا عَلَی اَزْوَاجِہِ اِلَّا اُمِّ سُلَیْمٍؓ فَاِنَّہُ کَانَ یَدْخُلُ عَلَیْھَا فِقِیْلَ لَہُ فِیْ ذَلِکَ فَقَالَ اِنِّیْ اَرْحَمُھَا قُتِلَ اَخُوْھَا مَعِیَ۔3 
’’آنحضرتﷺ ازواجِ مطہر۔ّاتؓ کے علاوہ اور کسی عورت کے یہاں نہیں جاتے تھے لیکن اُمّ ۔ُسلیمؓ مستثنیٰ تھیں، لوگوں نے دریافت کیا تو فرمایا: مجھے ان پر رحم آتا ہے ان کے بھائی (حرامؓ) نے میرے ساتھ رہ کر شہادت پائی ہے۔‘‘ 
اس سے ثابت ہوتا ہے کہ آپ اکثر اوقات حضرت اُمّ ۔ُسلیمؓ کے مکان پر تشریف لے جاتے تھے۔
حضرت اُمّ ۔ُسلیمؓ نہایت صابر اور مستقل مزاج تھیں، ابو عمیر ان کا بہت پیارا اور لاڈلا بیٹا تھا لیکن جب اس نے انتقال کیا تو نہایت صبر سے کام لیا اور گھر والوں کو منع کیا کہ ابو طلحہؓ کو اس واقعہ کی خبر نہ دیں، رات کو ابوطلحہؓ آئے تو ان کو کھانا کھلایا اور نہایت اطمینان سے بستر پر لیٹے۔ کچھ رات گزرنے پر اُمّ ۔ُسلیمؓ نے اس واقعہ کا تذکرہ کیا لیکن عجیب انداز سے کیا، بولیں: اگر تم کو کوئی شخص عاریۃً ایک چیز دے اور پھر اس کو واپس لینا چاہے تو کیا تم اس کے دینے سے انکار کروگے؟ ابو طلحہؓ نے کہا: کبھی نہیں۔ کہا: تو اب تم کو اپنے بیٹے کی طرف سے صبر کرنا چاہیے۔ ابو طلحہؓ یہ سن کر غصہ ہوئے کہ پہلے سے کیوں نہ بتلایا۔ صبح اُٹھ کر آنحضرتﷺ کے پاس گئے اور سارا واقعہ بیان کیا، آپ نے فرمایا: خدا نے اس رات تم دونوں کو بڑی برکت دی۔4 
اسی طرح ایک مرتبہ ابو طلحہؓ آئے اور کہا کہ رسول اللہ بھوکے ہیں، کچھ بھیج دو۔ حضرت اُمّ ۔ُسلیمؓ نے چند روٹیاں ایک کپڑے میں لپیٹ کر حضرت انسؓ کو دیں کہ آنحضرتﷺ کی خدمت میں جاکر پیش کردیں۔ آپ مسجد میں تھے اور صحابہؓ بھی بیٹھے ہوئے تھے، حضرت انسؓ کو دیکھ کر فرمایا: ’’ابو طلحہ نے تم کو بھیجا ہے؟‘‘ بولے: جی ہاں! فرمایا: ’’کھانے کے لیے؟‘‘ کہا: ہاں۔ آپ تمام صحابہ کو لے کر ابو طلحہؓ کے مکان پر تشریف لائے۔ ابو طلحہؓ گھبرا گئے اور حضرت اُمّ ۔ُسلیمؓ سے کہا: اب کیا کیا جائے؟ کھانا نہایت قلیل ہے اور آنحضرتﷺ ایک مجمع کے ساتھ تشریف لائے ہیں، حضرت اُمّ ۔ُسلیمؓ نے نہایت استقلال سے جواب دیا کہ ان باتوں کو خدا اور رسولﷺ زیادہ جانتے ہیں، آنحضرتﷺ اندر آئے تو حضرت اُمّ ۔ُسلیمؓ نے وہی روٹیاں اور سالن سامنے رکھ