فیضان محبت |
نیا میں |
 |
ہوجائے گا، خدا کی محبت اس کو اس سطح پر مل جائے گی کہ اپنی جان سے زیادہ، اہل و عیال سے زیادہ، ٹھنڈے پانی سے زیادہ اللہ تعالیٰ کی محبت اس کو حاصل ہوجائے گی۔ نسخہ نمبر ۱) حق تعالیٰ کے انعامات کا مراقبہ اور وہ طریقہ بہت آسان ہے۔ پانچ منٹ دس منٹ اللہ تعالیٰ سے روزانہ بات کرو کہ اے خدا! آپ کا احسان ہے کہ آپ نے ہمیں انسان بنایا، سور، کتّا، گدھا، بیل، جانور نہیں بنایا اور اس سے بڑا احسان یہ ہے کہ آپ نے ہمیں یہودی، عیسائی، کافر نہیں بنایا۔ آپ نے ہمیں مسلمان بنایا، پھر ہمیں اہل حق، اہل سنت جو سرورِ عالم صلی اللہ علیہ وسلم کی اتباع کرنے والا صحابہ رضی اللہ عنہم کے طریق پر جو طبقہ تھا اس سے وابستہ فرمایا،ڈاڑھی عطا فرمائی، علم دین عطا فرمایا، بیوی بچے عطا فرمائے اورسلیم الاعضاء خلق فرمایا، آپ نے مادرزاد اندھا نہیں پیدا کیا، ہاتھ کا لولا نہیں بنایا، پیر کا لنگڑا نہیں بنایا، سارے اعضا صحیح سلامت ہیں، ہم آپ کے شکر گزار ہیں، ساتھ ساتھ شکر بھی ادا کرتے رہو۔ اللہ تعالیٰ سے باتیں کرتے رہو دیکھو ان شاء اللہ چند مہینہ میں کہاں سے کہاں آپ کا مقامِ محبت پہنچتا ہے۔ اگر حکیم الامت کی بات ہم نہ مانیں گے تو اپنی بات کہاں سے لائیں گے، اپنے باپ دادا کی جائیداد کے علاوہ میرااپنا ذاتی کچھ مال نہیں، میں مسکین ہوں باعتبار جائیداد دینیہ کے، اسی لیے اپنے باپ دادا کی جائیداد پیش کررہا ہوں اور اس لیے امیر بھی ہوں کہ باپ دادا ہمارے مالدار تھے، اُن ہی کا مال پیش کررہا ہوں کہ اللہ تعالیٰ کے احسانات کا تذکرہ عَلٰی سَبِیْلِ التَّکَلُّمِ کرو۔ اللہ تعالیٰ سے باتیں کرو کہ اے خدا! اے اللہ! آپ نے ہمیں یہ دیا یہ دیا یہ دیا، جتنا یا دہوسکے اللہ کی نعمتوں کا تذکرہ کرو۔ حکیم الامت رحمۃ اللہ علیہ سے کسی نے پوچھا کہ اللہ کی محبت کا کیا طریقہ ہے؟ فرمایا کہ جو انسانوں کی محبت کا طریقہ ہے، تم روزانہ دس منٹ کسی سے ملاقات کرو، چھ مہینے کے بعد اگر کسی دن نہ جاؤگے تو وہ تمہیں خود تلاش کرے گا، تمہارے گھر پر آئے گا کہ بھائی! تم روزانہ آتے تھے، کیا بات ہے کہ آج کل نہیں آرہے ہو؟ کیا کسی پریشانی میں مبتلا ہو؟ اچھا! ہم تمہاری پریشانی دور کردیں گے کیونکہ تم ہمارے دوست ہو۔ اسی لیے اللہ تعالیٰ بھی اپنے دوستوں کی پریشانی جلد دور کردیتا ہے: