فیضان محبت |
نیا میں |
 |
زیادہ قوی ہوگا۔ ایک شخص بازار میں جارہا ہے، سامنے لڑکی آگئی، اس نے اپنی نظر کو بچالیا اور دل پر نہ دیکھنے کے غم کی تکلیف کو اُٹھالیا تو اس کا نور زیادہ قوی ہوگا۔ ذکر منفی کا نور ذکر مثبت کے نور سے زیادہ ہوتا ہے، دلیل کیا ہے؟ دلیل بھی بتاتا ہوں۔ اِلَّااللہ کی تجلی لَااِلٰہَ کی تخلّی پر موقوف ہے بتائیے! لَااِلٰہَ پہلے ہے کہ اِلَّااللہ پہلے ہے؟ پہلے غسل کرتے ہو، کپڑا صاف کرتے ہو یا پہلے عطر لگاتے ہو؟ اللہ تعالیٰ نے کلمۂ توحید میں بتادیا کہ اگر اِلَّااللہ کا عطر لگانا چاہتے ہو تو غیراللہ سے قلب کو پاک کرو۔ کسی نے ایک بزرگ سے پوچھا کہ آپ کو اللہ کیسے ملا؟ فرمایا لَااِلٰہَ سے ملا۔ اور اِلٰہَ کی دو قسمیں ہیں، ایک تو پتھر کے بت ہیں ہندوؤں کی مورتی، اس سے تو مسلمان بچ جاتا ہے لیکن نفس کی جو بُری بُری خواہشات ہیں یہ بھی اِلٰہَ ہیں۔ جو شخص چلتے پھرتے بتوں کو دیکھتا ہے، نامحرم عورتوں کو تانک جھانک کرتا ہے، بدنظری سے نہیں بچتا، یہ بھی باطل خداؤں کا پجاری ہے، آنکھوں کا زنا کررہا ہے۔ اللہ تعالیٰ اس کو نہیں مل سکتا۔ عَلٰی سَبِیْلِ الْوِلَایَۃِ یعنی اولیاء اللہ کا ایمان اس کو نصیب نہیں ہوسکتا۔ خواہشاتِ نفسانیہ کے اِلٰہَ باطلہ ہونے کی دلیل اب قرآن پاک سے اس کی دلیل سنئے کہ نفس کی بُری خواہشات بھیاِلٰہَ میں داخل ہیں، لَااِلٰہَ کی نفی میں ہمارے او پر ان بُری خواہشات کی نفی بھی فرض ہے۔ حق تعالیٰ ارشاد فرماتے ہیں اَفَرَءَیۡتَ مَنِ اتَّخَذَ اِلٰـہَہٗ ہَوٰىہُ 16؎ اےمحمدصلی اللہ علیہ وسلم! کیا آپ نےنہیں دیکھاان انٹرنیشنل گدھوں کو،بےوقوفوں کوجنہوں نےاپنے نفس کی بُری خواہشات کو خدا بنا رکھا ہے۔ میری رضا، میری خوشی کو چھوڑ کر اپنے نفس میں حرام خوشی استیراد کرتے ہیں، امپورٹ کرتے ہیں، درآمد کرتے ہیں جس سے قلب ستیاناس ہوجاتا ہے، کوئی پتھروں کو پوجتا ہے، یہ اپنی خواہش کی پوجا کررہے ہیں۔ _____________________________________________ 16 ؎الجاثیہ: 23