فیضان محبت |
نیا میں |
 |
بروزِ قیامت خجالت نہ ہو خدا پاس مجھ کو ندامت نہ ہو تو میں یہ عرض کررہا تھا کہ اللہ والوں نے اللہ کی محبت میں سلطنت چھوڑ دی اور اپنی اصلاح کرلی۔ ماں باپ کو اگر ستایا تو ان کے پیر پکڑ کر رو رو کے معافی مانگی، اپنی بیوی کو اگر ستایا تو دوسرے وقت اس کی تلافی کردی، اگر کبھی غلطی سے کچھ زیادتی ہوجائے تو دوسرے وقت اس کو گلاب جامن کھلاؤ، مٹھائی کھلاؤ، سندیش کھلاؤ اور اس سے کہہ دو کہ میں اب دور اندیش ہوگیا، اب آیندہ آپ کو نہیں ستاؤں گا۔ بعض لوگ کہتے ہیں کہ صاحب میں بچپن سے رومانٹک اور حسن پرست تھا مگر میری اماں گیارہ نمبر کا چشمہ لگاکر بڑی خراب شکل والی لے آئی۔ اس کا بھی جواب سن لو، اگر ہماری آپ کی بیٹی غصہ والی ہو، صورت میں بھی داماد سے کم ہو تو آپ کیا چاہیں گے کہ داماد طلاق دے دے یا رات دن روئیں گے کہ اے خدا! میرے داماد کے دل میں ایسی محبت ڈال دے کہ میری کم خوب صورت غصہ والی بیٹی کی زندگی پار کردے، چند روزہ زندگی ہے، بیویوں کے ساتھ زندگی نباہ دو بلکہ حسن سلوک سے پیش آؤ۔ ان شاء اللہ! اللہ تعالیٰ آپ کو اتنا خوش کردیں گے کہ آپ سوچ بھی نہیں سکتے۔ سرورِ عالم صلی اللہ علیہ وسلم کی طرف سے عورتوں کے لیے خوشخبری میں ایک خوشخبری سناتا ہوں، سارے کشور گنج والے اپنی اپنی بیویوں کو حدیث کی خوش خبری سنادیں، ان شاء اللہ! صبح بیویوں کی طرف سے آپ کو بہترین ناشتہ ملے گا۔ وہ خوش خبری کیا ہے؟ سرور عالم صلی اللہ علیہ وسلم نے حضرت اُمِ سلمہ رضی اللہ تعالیٰ عنہا سے فرمایا کہ اے اُمِ سلمہ! جنت میں مسلمان بیویاں حوروں سے زیادہ خوب صورت کردی جائیں گی۔14؎ اور بڈھی ہوں گی تو جوان کردی جائیں گی، سب جوان ہوکر جنت میں جائیں گی۔ _____________________________________________ 14 ؎روح المعانی: 126/27،داراحیاء التراث، بیروت / مشکوٰۃ المصابیح:416/2