ماہنامہ انوار مدینہ لاہور دسمبر 2016 |
اكستان |
 |
خواب کی باتیں : (١) حضرت صدیقِ اکبر رضی اللہ عنہ کوکسی نے خواب میں دیکھااور اُن سے پوچھا کہ آپ ہمیشہ زبان سے اشارہ فرمایا کرتے تھے کہ یہ سب کام میرے سامنے رکھے ہوئے ہیں، فرمایا ہاں اِس زبان سے لَآ اِلٰہَ اِلَّا اللّٰہُ کہا تو خدا تعالیٰ نے میرے سامنے بہشت رکھ دی۔( کیمیائے سعادت) (٢) خلیفہ ٔ ہارون رشید کی بیوی ملکہ زبیدہ کو کسی نے خواب میں دیکھا اور اُن سے پوچھا :اللہ نے تمہارے ساتھ کیا معاملہ کیا ؟ فرمایا اللہ تعالیٰ نے اُن چارکلموں کے باعث جو دُنیا میں پڑھا کرتی تھی رحم فرمایا اور وہ یہ ہیں (i) لَآ اِلٰہَ اِلَّا اللّٰہُ فنا کر دُوں میں اِس کے ساتھ اپنی عمر کو (ii) لَآ اِلٰہَ اِلَّا اللّٰہُ داخل ہوں میں اِس کے ساتھ قبر میں (iii) لَآ اِلٰہَ اِلَّا اللّٰہُ خالص ہوجاؤں میں صرف اِس کے ساتھ (iv) لَآ اِلٰہَ اِلَّا اللّٰہُ ملاقات کروںمیں اِس کے ساتھ اپنے پرور دگار سے۔اجمالی نظر : (١) بندہ جو بھی عمل کرتا ہے اُس کو قیامت کے روز اعمال کی ترازو میں رکھا جائے گا جب لَآ اِلٰہَ اِلَّا اللّٰہُ کو ترازو میں رکھیں گے تو آسمان و زمین اورجوکچھ اِس میں ہے سب سے زیادہ وزنی ہوگا۔ (٢) اگر لَآ اِلٰہَ اِلَّا اللّٰہُ کہنے والا اپنے اِس کہنے میں سچا ہے (یعنی یقین سے کہا ہے) تواُس کے گناہ اگر چہ زمین کی خاک کے برابر بھی ہوں وہ بھی بخش دیے جائیں گے۔ (٣) جس نے کلمہ لَآ اِلٰہَ اِلَّا اللّٰہُ پڑھا وہ بہشت میں داخل ہوگا۔ (٤) جس نے لَآ اِلٰہَ اِلَّا اللّٰہُ وَحْدَہ لَا شَرِیْکَ لَہ لَہُ الْمُلْکُ وَلَہُ الْحَمْدُ وَھُوَ عَلٰی کُلِّ شَیْئٍ قَدِیْر سو بار روز پڑھا توگویا اُس نے دس غلام روز آزاد کیے اور سو نیکیاں اُس کے نامہ ٔ اعمال میں لکھی گئیں اور سو برائیاں اُس کے نامہ ٔ اعمال سے مٹادی گئیں اور یہ کلمہ اُس رات اور دن میں شیطان سے بچاؤ کا بہت بڑا ذریعہ ہے۔ (٥) جب تم کوکسی قسم کا غم اور رنج ہوتویہ کلمہ پڑھ لیا کرو لَآ اِلٰہَ اِلَّا اللّٰہُ الْعَلِیُّ الْعَظِیْمُ ، لَآ اِلٰہَ اِلَّا اللّٰہُ رَبُّ الْعَرْشِ الْعَظِیْمِ ، لَآ اِلٰہَ اِلَّا اللّٰہُ رَبُّ السَّمَوٰتِ وَرَبُّ الْعَرْشِ الْکَرِیْمِ اِنشاء اللہ سب غم