ماہنامہ انوار مدینہ لاہور دسمبر 2016 |
اكستان |
 |
علمی مضامین سلسلہ نمبر١٣ ( قسط : ٣ ، آخری) ''خانقاہِ حامدیہ''نزد جامعہ مدنیہ جدید رائیونڈ روڈ لاہورکی جانب سے محدث ، فقیہ، مؤرخ، مجاہد فی سبیل اللہ،مؤلف کتب کثیرہ شیخ الحدیث حضرت اَقدس مولانا سیّد محمد میاں صاحب رحمة اللہ علیہ کے بعض اہم مضامین جو تاحال طبع نہیں ہوسکے اُنہیں سلسلہ وار شائع کرنے کا اہتمام کیا گیا ہے جبکہ اُن کی نوع بنوع خصوصیات اِس بات کی متقاضی ہیں کہ اِفادۂ عام کی خاطر اُن کو شائع کردیا جائے۔ اِسی سلسلہ میں بعض وہ مضامین بھی شائع کیے جائیں گے جو بعض جرا ئد و اَخبارات میں مختلف مواقع پر شائع ہو چکے ہیں تاکہ ایک ہی لڑی میں تمام مضامین مرتب و یکجا محفوظ ہو جائیں۔ (اِدارہ)حیاتِ سیّدناآدم علیہ السلام ( حضرت اَقدس مولاناسیّد محمد میاں صاحب )سیّدنا آدم علیہ السلام دُنیا میں : جمعہ : یومِ پیدائش ١ یعنی جس روز کا لبُدِ خاکی ٢ کو اِنسانی شکل مرحمت ہوئی ۔١ صحیح مسلم شریف میں ہے اُن تمام ایام میں کہ آفتاب طلوع کرتاہے سب سے بہتر دن جمعہ ہے اِسی دن میں حضرت آدم علیہ السلام پیداکیے گئے اِسی دن جنت میں داخل کیے گئے اِسی دن جنت سے نکالے گئے اوراِسی دن قیامت ہوگی (صحیح مسلم شریف اور مسند ِ احمد وغیرہ بحوالہ تاریخ ابن کثیر ج ١ ص ٨٠) اِسی دن حضرت آدم علیہ السلام کی وفات ہوئی۔( طبقات ابن سعد ج ١ ص٨) فائدہ : پیدائش ِ انسانی کا جو مقصد ہے چونکہ جنت میں جانا جنت سے خارج ہونااور قیامت وغیرہ اِس کے درمیانی مراحل مقرر کیے گئے ہیں لہٰذا اِن چیزوں کے وقوع کے دن کوبہتر اور اشرف بنایا گیا، واللہ اعلم ( محمد میاں ) ٢ قالب، ڈھانچا(انسانی ڈھانچا)