Deobandi Books

آپ اِس آہ وزاری سے متاثر ہو کر فورًا حکم دیں گے کہ اِن کوجہنم سے نکالا جائے چنانچہ حکم پاتے ہی لاتعداد جہنمیوں کوجوجل کر کوئلے کی طرح ہوں گے نکالا جائے گا ،اِس کے بعد اِن دوزخیوں کو صاف کرنے کے لیے نَہرُ الحَیٰوة  میں (جوجنت میں ایک نہر ہے) داخل کیا جائے گا کچھ دیر کے بعد ہی یہ لوگ چودہویں رات کے چاند کے مانند روشن اورنورانی ہو کر اِس نہرسے نکلیں گے اورپھر کلمہ   لَآ اِلٰہَ اِلَّا اللّٰہُ مُحَمَّد رَّسُوْلُ اللّٰہْ  کی بدولت ہمیشہ ہمیشہ کے لیے جنت میں آباد ہوجائیں گے۔ جب کفار اپنی آنکھوں سے کلمہ کی برکات کا مشاہدہ کرلیں گے تب پچھتائیں گے اور کہیں گے کاش  !  ہم بھی مسلمان ہوتے (رُبَمَا یَوَدُّ الَّذِیْنَ کَفَرُوْا لَوْکَانُوْ مُسْلِمِیْنَ) ''اُس وقت کا فرلوگ تمنا کریں گے کاش ہم بھی  مسلمان ہوتے۔ ''(ابن کثیر، ابن جریر، طبری) 
(٦)  صاحب ِ زواجر نقل فرماتے ہیں ایک کافر بادشاہ اسلام کا بہت بڑا دشمن تھا اور مسلمانوں کواِس قدر قتل کرایا کرتا تھا جس کا کوئی ٹھکانا نہیں، اتفاقًا مسلمانوں کا لشکر اُس کے ملک پرغالب آگیا اور اِس کافر بادشاہ کو زندہ پکڑ لیا ،فوجیوں کی رائے ہوئی کہ اِس ظالم بادشاہ کو ایک دیگ میں بند کر کے اُس کا منہ مضبوطی سے بند کر دیا جائے اور پھر اُس دیگ کو چولہے پر رکھ دیا جائے اوراُس کے نیچے آگ جلادی جائے تاکہ اِس کو اپنے ظلم کی پوری پوری سزا دی جائے۔ اِس رائے پر اکثر لو گوں کواتفاق ہوگیا اور اُس بادشاہ کو دیگ میں بند کر دیاگیا، دیگ کا منہ مُسی جوش کر کے اُس کے نیچے آگ جلادی گئی ،جب دیگ گرم ہونے لگی اور اس ظالم بادشاہ کوتکلیف پہنچنے لگی تب اُس نے اپنے تمام چھوٹے دیوتاؤں کوپکارا کہ میری مدد کرو پہنچو، وہاں کون سنتاتھا اور کون مدد کر سکتاتھا وہ بادشاہ اپنے تمام دیوتاؤں اور بتوں سے کہنے لگا میں نے تمہاری خاطر ہزاروں مسلمانوں کوتہ بتیغ کیا، آج تم اپنے اور میرے دشمنوں کے پنجے سے مجھے نہ چھڑاؤگے  !  غرضیکہ اُس کی سب چیخ و پکار بے کار ہوگئی، آخر کار اُس کے دل میں یہ بات آئی کہ مسلمانوں کاکلمہ تو پڑھ کر دیکھوں چنانچہ اُس نے بے ساختہ  لَآ اِلٰہَ اِلَّا اللّٰہُ مُحَمَّد رَّسُوْلُ اللّٰہْ  پڑھا بس اب کیا دیر تھی کلمہ پڑھتے ہی پہاڑ کی جانب سے ایک آندھی اور اَبر آتا ہو نمودار ہوا، آناً فاناً بارش شروع ہوئی اور آگ اُسی وقت بجھ گئی پھر اِس زور کی آندھی چلی کہ اُس دیگ کو اُڑا کر ایک ایسے ملک