ماہنامہ انوار مدینہ لاہور دسمبر 2016 |
اكستان |
 |
جبرئیل ِامین دوزخ کی طرف روانہ ہوں گے، مالک ِ(داروغہ) دوزخ حضرت جبرئیل علیہ السلام کو تشریف لاتے ہوئے دیکھ کر دریافت فرمائیں گے: فرمائیے جناب آج کیسے تشریف آوری ہوئی ؟ جبرئیل علیہ السلام مالک سے پوچھیں گے بتلاؤ تو سہی کلمہ پڑھنے والوں کا کیاحال ہے ؟ مالک کہیں گے کچھ نہ پوچھیے اِن کی حالت نہایت ابتر ہے، ایک تو تنگ مکان میں مقید ہیں دوسرے آگ نے اُن کے جسم کو جلا ڈالا ہڈیاں راکھ ہو گئیں اور آگ نے اُن کا کچھ بھی باقی نہیں چھوڑا صرف اُن کی زبان اور دل محفوظ ہے ۔ یہ سن کر جبرئیل علیہ السلام فرمائیں گے اچھا،دوزخ یعنی خدائی جیل خانہ کا دروازہ کھولو تاکہ میں بھی معائنہ کر لوں ،مالک یہ سنتے ہی جہنم کا دروازہ کھولیں گے اور سر پوش اُٹھا دیں گے اُسی وقت جبرئیل علیہ السلام ملا حظہ کرنے کے لیے مالک کی ہمراہی میں تشریف لے جائیں گے، احکم الحاکمین کے سزا یافتہ قیدی جبرئیل علیہ السلام کی نورانی شکل دیکھ کر مالک سے پوچھیں گے یہ کون ہیں ؟ ہم نے آج تک ایسی نورانی شکل کبھی نہیں دیکھی، مالک اُن کو جواب دیں گے کہ یہ جبرئیل ِامین ہیں جو سب سے آخر میں خاتم النبیین حضرت محمد ۖ کے پاس وحی لے کر جایا کرتے تھے۔ حضور ۖ کا اسمِ گرامی سن کر گنہگارانِ اُمت چیخ اُٹھیں گے اور رو رو کر عرض کریں گے کہ جبرئیل خدارا ہمارے نبی کو ہمارا سلام پہنچا کر ہمارے حالِ زار سے مطلع کر دیجیے، جبرئیل ِامین اُن لو گوں سے وعدہ فرمائیں گے کہ بے فکر رہو میں ضرور اِس کا خیال کروں گا، یہ کہہ کر جبرئیل علیہ السلام وہاں سے رخصت ہوں گے اور اپنے مقام پر آئیں گے اَرحم الراحمین کااِرشاد ہوگا اے جبرئیل سناؤ کیا دیکھ کر آئے ؟ وہ عرض کریں گے: یاالٰہی تو سب کچھ جانتا ہے وہ نہایت تنگ اور پریشان حال ہیں، اِسی ہم کلامی کی لذت میں جبرئیل علیہ السلام ایسے محو اور بے خود ہوں گے کہ جہنمیوں کا وعدہ یکسر فراموش ہوجائے گا، آخر خود رب العالمین اِرشاد فرمائیں گے جبرئیل کیا تم نے ہمارے کلمہ پڑھنے والوں سے کوئی وعدہ بھی کیا ہے ! عرض کریں گے بے شک اے پر وردگار میں وعدہ کر آیا ہوں، اِرشاد ِ عالی ہوگا اچھا ہمارے حبیب کے پاس جاؤ اور اپنا وعدہ پورا کرآؤ، اشارہ پاتے ہی حضرت جبرئیل ِامین حضور ۖ