ماہنامہ انوار مدینہ لاہور اکتوبر 2016 |
اكستان |
|
غم منانے کا عجب ڈھنگ یہ اِرشاد کیا رُوحِ اسلام کو تیمور نے برباد کیا فعل تیمور ہے ، قولِ پیمبر تو نہیں غم کا یہ رنگ شریعت کے برابر تو نہیں غم تجھے ہے تو پھر اِتنا ہی ذرا کر کے دکھا ڈھول تاشوں سے اپنے باپ کی میت کو اُٹھا علامہ سیّد عبد المجید ندیم شاہ صاحب رحمة اللہ علیہ فرماتے تھے : ''اس عظیم مگر مظلوم مہینہ( محرم ) کو بھی پہچانیے ! بعض عجمی فنکاروں نے اِس محترم مہینے کی جبیں پر سیاہی ملنے کی ٹھان لی ہے کہ ہلالِ محرم کے طلوع ہوتے ہی اُن کے یہاں صف ِماتم بچھ جاتی ہے اور اِس مقدس مہینہ کے شب وروز کو خرافات و بدعات کی بھینٹ چڑھا دیا جاتا ہے حالانکہ یہ مہینہ نہ توجشن کا ہے، نہ غم اور ماتم کابلکہ ہدایت وعبرت کا مہینہ ہے ۔'' عقلمندلوگ سال کے ختم پرپورے سال کاجائزہ او رحساب کرتے ہیں کہ ہم نے دُنیوی اور اُخروی اعتبار سے سال بھر میںکیا کھویا اورکیا پایا اور اب آئندہ کیا کرناہے، اس کا عملی (شرعی) پروگرام او رنظام بناتے ہیں، پچھلی زندگی کی غفلتوں او رگناہوں پر توبہ او ر آئندہ زندگی کو بہتر سے بہتربنانے کی طرف توجہ او رکوشش کرتے ہیں، یہی وہ ہدایت ہے جو ہمیں نئے اسلامی سال سے ملتی ہے۔ اللہ تعالیٰ ہر قسم کے خرافات، رسومات ،بدعات اور جملہ معاصی سے ہر وقت ہمیںمحفوظ فرمائے ،آمین۔