ماہنامہ انوار مدینہ لاہور ستمبر 2016 |
اكستان |
( سلسلہ نمبر : ٥ ) ''خانقاہِ حامدیہ'' کی جانب سے اَنوارِ مدینہ میں شیخ الاسلام حضرت اَقدس مولانا سیّد حسین اَحمد مد نی قدس سرہ العزیز کی تقاریر شائع کرنے کا اہتمام کیا جا رہا ہے حضرتکے متوسلین و خدام سے اِلتماس ہے کہ اگر اُن کے پاس حضرت کی تقاریر ہوں تواِدارہ کو اِرسال فرما کر عندالناس مشکور اور عنداللہ ماجور ہوں۔(اِدارہ) اِحسان و تصوف ( شیخ الاسلام حضرت مولانا سیّد حسین اَحمد صاحب مد نی ) پیش لفظ اَز حضرت مولانا سیّد محمد میاں صاحب، ناظم جمعیة علماء ِ ہند ،اِنڈیا حَامِدًا وَّ مُصَلِّیًا ! مادّہ پرست دُنیا کی منڈی میں ہر جنس موجود ہے ہر ایک سامان کی فراوانی ہے حیرت انگیز مصنوعات سے بازار پٹے پڑے ہیں زیبائش و آرائش اور عیش و عشرت کے حسین اور نازک سامانوں سے شاندار دُکانیں سجی ہوئی ہیں لیکن محروم القسمت اِنسان کو جس چیز کی تلاش ہے افسوس وہ اِس پوری منڈی میں مفقود ہے، اطمینان و سکون کی خوشگوار زندگی افسوس نہ کسی بازار میں ہے نہ کسی کوٹھی یا ہوٹل میں۔ شیخ سعدی نے سات سو برس پہلے کے زمانہ میں کہا تھا آنانکہ غنی ترند محتاج ترند ١ زمانہ کی تر قی نے اِس میں یہ تر میم کر دی : آنانکہ غنی ترند پریشان ترند ٢ ١ جو سب سے زیادہ غنی ہیں وہ سب سے زیادہ محتاج ہیں۔ ٢ جو سب سے زیادہ غنی ہیں وہ سب سے زیادہ پریشان ہیں۔