ماہنامہ انوار مدینہ لاہور ستمبر 2016 |
اكستان |
 |
علمی مضامین سلسلہ نمبر١٢ ''خانقاہِ حامدیہ''نزد جامعہ مدنیہ جدید رائیونڈ روڈ لاہورکی جانب سے محدث ، فقیہ، مؤرخ، مجاہد فی سبیل اللہ،مؤلف کتب کثیرہ شیخ الحدیث حضرت اَقدس مولانا سیّد محمد میاں صاحب رحمة اللہ علیہ کے بعض اہم مضامین جو تاحال طبع نہیں ہوسکے اُنہیں سلسلہ وار شائع کرنے کا اہتمام کیا گیا ہے جبکہ اُن کی نوع بنوع خصوصیات اِس بات کی متقاضی ہیں کہ اِفادۂ عام کی خاطر اُن کو شائع کردیا جائے۔ اِسی سلسلہ میں بعض وہ مضامین بھی شائع کیے جائیں گے جو بعض جرا ئد و اَخبارات میں مختلف مواقع پر شائع ہو چکے ہیں تاکہ ایک ہی لڑی میں تمام مضامین مرتب و یکجا محفوظ ہو جائیں۔ (اِدارہ) معراج سیّد المرسلین رحمة للعالمین ۖ اور رؤیت باری تعالیٰ ( حضرت اَقدس مولاناسیّد محمد میاں صاحب ) شواہد و دلائل .......... پُر اَسرار منظر اور تجلیات (١) سعادت کے لیے اُسی کو منتخب کیا جاتا ہے جو رموزِ مملکت سے واقف ہو ضروری چیزوں کا مشاہدہ کیے ہوئے ہو اور اگر اُس کو کسی خاص مشن پر بھیجا جائے تو یہ بھی ضروری سمجھا جاتا ہے کہ اُس مشن کا پورا جذبہ رکھتا ہو اُس کے متعلق پورا وثوق اور یقین اُس کو حاصل ہو جس کی بناء پر ہر بات قوت سے کہہ سکے پیچیدگیوں کو حل کر سکے اور اگر مشکلات پیش آئیں تو اُن کو بھی برداشت کر سکے۔ یہی شان داعیانِ حق کی ہے جو رب ذوالجلال کی طرف سے سفیر بنا کر بھیجے گئے، وہ رموز واَسرار سے واقف تھے مقصد پر پورا یقین رکھتے تھے، وقتاً فوقتاً اُن کے یقین ِ کامل میں جِلا پیدا کیا جاتاتھا اور جس کی دعوت زیادہ وسیع اور ذمہ داری زیادہ اہم ہوتی تھی باجودیکہ اُس کا یقین زیادہ پختہ ہوتا اور