ماہنامہ انوار مدینہ لاہور ستمبر 2016 |
اكستان |
 |
چو در دوستی مخلصم یافتی عنانم ز صحبت چرا تافتی بگفتا فراتر مجالم نماند بماندم کہ نیزوی بالم نماند اگر یک سرِ موئے برتر پرم فروغ تجلی بسوزد پرم حضرت سعدی رحمة اللہ علیہ نے پوری لیلة المعراج کی تصویر کھینچ دی ہے، فرماتے ہیں : (١) ایک شب کو (براق پر) بیٹھے آسمان سے اُو پر پہنچ گئے اور اپنے قدر و منزلت میں فرشتے سے بھی آگے بڑھ گئے۔ (٢) قرابت خدا وند ی کی وادی میں اِتنے تیز چلے کہ جبرئیل اَمین بھی سدرة المنتہیٰ پر اُن سے پیچھے رہ گئے۔ (٣) بیت الحرام کے سر دار (آنحضرت ۖ) نے جبرئیل اَمین علیہ السلام سے فرمایا : اے وحی ٔخداوندی کے لے جانے والے اُوپر تشریف لائیے۔ (٤) جب تم نے مجھے دوستی میں مخلص پایا ہے تو یہاں میری معیت سے کیوں باگ موڑلی ہے۔ (٥) حضرت جبرئیل نے عرض کیا میری مجال نہیں کہ اِس سے اُوپر پہنچ سکوں، میں اِس لیے یہاں رہ گیا کہ میرے پروں میں پرواز کی طاقت ہی نہیں رہی۔ (٦) اگر ایک بال کے برابر بھی اُو پر اُڑوں تو تجلی کی روشنی میرے پروں کو جلاڈالے۔ ( عَلَّمَہ شَدِیْدُ الْقُوٰی o ذُو مِرَّةٍ فَاسْتَوٰی o وَہُوَ بِالْاُفُقِ الْاَعْلٰی o ثُمَّ دَنَا فَتَدَلّٰی o فَکَانَ قَابَ قَوْسَیْنِ اَوْ اَدْنٰی ) کے متعلق جو خلجان پیش کیاگیا وہ اپنی جگہ درست تھا اِسی لیے اِس کا جواب دیا گیا لیکن اِس جواب کے بعد خلجان پیش کر نے والے حضرات کی توجہ اِس طرف بھی منعطف کرانی ہے کہ اگر شدید القوی سے مراد جبرئیل اَمین ہو یا اُس کے بعد کی تمام کیفیات کا تعلق حضرت