ماہنامہ انوار مدینہ لاہور اگست 2015 |
اكستان |
 |
اُوپر ذکر کیا گیا، اَب چند آیتیں اور حدیثیں بھی سن لیجیے : ( کُلُّ نَفْسٍ ذَآئِقَةُ الْمَوْتِ قف ثُمَّ اِلَیْنَا تُرْجَعُوْنَ) (سُورة العنکبوت : ٥٧) ''ہر جان کو موت کا مزہ چکھنا ہے پھر تم سب ہماری طرف لوٹو گے۔ '' (کُلُّ نَفْسٍ ذَآئِقَةُ الْمَوْتِ ط وَاِنَّمَا تُوَفَّوْنَ اُجُوْرَکُمْ یَوْمَ الْقِیَامَةِ) ١ ''ہر جان کو موت کا مزہ چکھنا ہے، اورتمہارے اَعمال کے بدلے قیامت کے دِن پورے پورے دیے جائیں گے۔ '' قیامت اور اُس کی ہولناکیوں کا ذکر قرآن شریف میں سینکڑوں جگہ کیا گیا ہے چند آیتیں ہم یہاں بھی نقل کرتے ہیں : (یٰاَیُّھَاالنَّاسُ اتَّقُوْا رَبَّکُمْ ج اِنَّ زَلْزَلَةَ السَّاعَةِ شَیْئ عَظِیْم o یَوْمَ تَرَوْنَھَا تَذْھَلُ کُلُّ مُرْضِعَةٍ عَمَّآ اَرْضَعَتْ وَتَضَعُ کُلُّ ذَاتِ حَمْلٍ حَمْلَھَا وَتَرَی النَّاسَ سُکٰرٰی وَمَاھُمْ بِسُکٰرٰی وَلٰکِنَّ عَذَا بَ اللّٰہِ شَدِیْد) (سُورة الحج : ١) ''اے لوگو ! اپنے رب سے ڈرو، قیامت کا بھونچال بڑی (خوفناک) چیزہے جس دِن تم اُسے دیکھو گے اُس دِن ہر دُودھ پلانے والی ماں اپنے دُودھ پیتے پیارے بچے کو بھول جائے گی اور حمل والیوں کے حمل ساقط ہوجائیں گے اور تم دیکھو گے سب لوگوں کو نشہ کی سی حالت میں، اور حقیقت میں وہ نشہ میں نہ ہوں گے بلکہ اللہ کا عذاب بڑا سخت ہے (بس اُس کی دہشت سے لوگ بے ہوش ہوجائیں گے)۔'' اور سورۂ مزمل میں قیامت ہی کے بیان میں فرمایا گیا ہے : ( یَوْمَ تَرْجُفُ الْاَرْضُ وَالْجِبَالُ وَکَانَتِ الْجِبَالُ کَثِیْبًا مَّھِیْلًا) (المزمل: ١٤ ) ''جب زمنیوں اور پہاڑوں پر لرزہ ہوگا اور پہاڑ بہتی ہوئی ریت کی طرح ہوجائیں گے۔'' اور اِسی سورة میں قیامت ہی کے متعلق فرمایا گیاہے : ١ سُورہ اٰل عمران : ١٨٥