ماہنامہ انوار مدینہ لاہور اگست 2015 |
اكستان |
|
اِسی حدیث میں یہ بھی ہے کہ : حضور ۖ نے اُس شخص کو قرآن شریف کی یہ آیت بھی سنائی : (وَنَضَعُ الْمَوَازِیْنَ الْقِسْطَ لِیَوْمِ الْقِیَامَةِ فَلَا تُظْلَمُ نَفْس شَیْئًا ط وَاِنْ کَانَ مِثْقَالَ حَبَّةٍ مِّنْ خَرْدَلٍ اَتَیْنَا بِھَا ط وَکَفٰی بِنَاحٰسِبِیْنَ)(سُورةالانبیاء : ٤٧ ) اِس آیت کا حاصل یہ ہے کہ اللہ تعالیٰ فرماتے ہیں : ہم قیامت کے دِن اِنصاف کی میزان لگائیں گے اور کسی کے ساتھ وہاں کوئی نااِنصافی نہ ہوگی اور اگرکسی کاکوئی عمل یا حق رائی کے دانے کے برا بر بھی ہوگا توہم اُس کو حاضر کریں گے اور ہم حساب لینے والے کافی ہیں۔ اللہ تعالیٰ ہمیں توفیق دے کہ مرنے کے بعد اور قیامت کے متعلق قرآنِ پاک اور رسول اللہ ۖ نے جو باتیں ہم کو بتلائی ہیں ہم اُن سے غافل نہ ہوں۔ وفیات ١٨رمضان المبارک کو دارُالعلوم دینیہ قصور کے مہتمم قاری نور محمد صاحب شاکر کے بڑے بھائی مولانا ہارون الرشید صاحب رشیدی طویل علالت کے بعد قصور میں اِنتقال فرما گئے۔اللہ تعالیٰ مرحوم کی مغفرت فرماکر بلند درجات نصیب فرمائے اور لواحقین کو صبر جمیل کی توفیق عطا فرمائے،آمین۔ ٢١رمضان المبارک کو جناب محمد اِسماعیل صاحب بھٹی طویل علالت کے بعد لاہور میں وفات پاگئے۔ اللہ تعالیٰ مرحوم کی مغفرت فرمائے اور اُن کے لواحقین کو صبر جمیل کی توفیق عطا فرمائے ،آمین۔ اِنَّا لِلّٰہِ وَاِنَّا اِلَیْہِ رَاجِعُوْنَ جامعہ مدنیہ جدید اور خانقاہِ حامدیہ میں مرحومین کے لیے اِیصالِ ثواب اور دُعائے مغفرت کرائی گئی اللہ تعالیٰ قبول فرمائے ، آمین۔ اہلِ اِدارہ جملہ پسماندگان کے غم میں برابر کے شریک ہیں۔