ماہنامہ انوار مدینہ لاہور اگست 2015 |
اكستان |
|
اَخبار الجامعہ ( جامعہ مدنیہ جدید محمد آباد رائیونڈ روڈ لاہور ) بحمد اللہ خانقاہ ِ حامدیہ میں حسب ِ معمول گزشتہ برسوں کی طرح اِس برس بھی رمضان المبارک میں ملک کے مختلف شہروں سے آئے ہوئے سالکانِ طریقت نے مسجد حامد میں شیخ الحدیث حضرت مولانا سیّد محمود میاں صاحب دامت برکاتہم کی معیت میں اِعتکاف کیااَور سلوک و احسان، ریاضت و مجاہدہ میں مشغول و مصروف رہے۔ حضرت مولانا سیّد محمود میاں صاحب مدظلہم کی جانب سے مسترشدین و مریدین کے لیے کچھ اِجتماعی اعمال اَور کچھ حسب ِ حال ہر ایک کے لیے اِنفرادی اعمال کی ہدایات تھیں۔ مؤرخہ ٢٧رمضان المبارک ١٤٣٦ھ /١٥جولائی ٢٠١٥ء کو حضرت اَقدس سیّدی و مرشدی مولانا سیّد محمود میاں صاحب دامت برکاتہم نے مولانا سَیْد علی بن عبدالرزاق فاضل جامعہ مدنیہ جدید کو خرقہ ٔخلافت و دَستار سے نوازا ۔ ٢١جولائی بروز منگل بعد اَز نمازِ ظہر شیخ الحدیث حضرت مولانا سیّد محمود میاں صاحب بھائی نصیراللہ خان صاحب کی دعوت پر اُن کے نکاحِ مسنون کی تقریب میں شرکت کی غرض سے طائوس گلگت کے لیے روانہ ہوئے اور ٢٧جولائی کو بخیر وعافیت واپس تشریف لے آئے۔ ١١ شوال المکرم /٢٨ جولائی سے جامعہ مدنیہ جدید میں نئے تعلیمی سال کے داخلے شروع ہوئے اور کثیر تعداد میں طلباء کی آمد شروع ہو گئی ، اِسی روز سے تعلیم کا آغاز ہوگیا،والحمد للہ۔