ماہنامہ انوار مدینہ لاہور اگست 2015 |
اكستان |
 |
علمی مضامین سلسلہ نمبر ٦ ''خانقاہِ حامدیہ''نزد جامعہ مدنیہ جدید رائیونڈ روڈ لاہورکی جانب سے محدث ، فقیہ، مؤرخ، مجاہد فی سبیل اللہ،مؤلف کتب کثیرہ شیخ الحدیث حضرت اَقدس مولانا سیّد محمد میاں صاحب رحمة اللہ علیہ کے بعض اہم مضامین جو تاحال طبع نہیں ہوسکے اُنہیں سلسلہ وار شائع کرنے کا اہتمام کیا گیا ہے جبکہ اُن کی نوع بنوع خصوصیات اِس بات کی متقاضی ہیں کہ اِفادۂ عام کی خاطر اُن کو شائع کردیا جائے۔ اِسی سلسلہ میں بعض وہ مضامین بھی شائع کیے جائیں گے جو بعض جرا ئد و اَخبارات میں مختلف مواقع پر شائع ہو چکے ہیں تاکہ ایک ہی لڑی میں تمام مضامین مرتب و یکجا محفوظ ہو جائیں۔ (اِدارہ) خوارج اور فتنہ ٔ وضعِ اَحادیث حضرت علی کے ہاتھوں اِن کی بربادی حق و باطل کی مثال اللہ اِس طرح بیان فرماتا ہے : ( اَنْزَلَ مِنَ السَّمَآئِ مَآئً فَسَالَتْ اَوْدِیَة م بِقَدَرِھَا فَاحْتَمَلَ السَّیْلُ زَبَدًا رَّابِیًا ط وَ مِمَّا یُوْقِدُوْنَ عَلَیْہِ فِی النَّارِ ابْتِغَآئَ حِلْیَةٍ اَوْ مَتَاعٍ زَبَد مِّثْلُہ ط کَذٰلِکَ یَضْرِبُ اللّٰہُ الْحَقَّ وَ الْبَاطِلَ ط فَاَمَّا الزَّبَدُ فَیَذْھَبُ جُفَآئً ج وَ اَمَّا مَا یَنْفَعُ النَّاسَ فَیَمْکُثُ فِی الْاَرْضِط کَذٰلِکَ یَضْرِبُ اللّٰہُ الْاَمْثَالَ)(سُورہ رعد : ١٧) ''آسمان سے بارش برستی ہے، ندیاں اور نالے اِس کو اپنی اپنی گنجائش کے بموجب اپنی آغوش میں لے کر سیلاب کی شکل اِختیار کر لیتے ہیں، کوڑا کرکٹ اور جھاگ اُوپرآجاتا ہے، دیکھنے والوں کے سامنے وہ جھاگ ہی ہوتاہے وہ اُسی سے خوفزدہ ہوتے ہیں لیکن سیلاب کی رو اِس جھاگ کو بہا کرلے جاتی ہے پھر وادی کا ایک ایک گوشہ دیکھ جاؤ اُس جھاگ کا کہیں نام و نشان بھی نہیں ملے گا، اِسی طرح جب چاندی سونا یااور کسی طرح کی دھات آگ پر تپائی جاتی ہے تو جھاگ اُوپر آجاتا ہے