ماہنامہ انوار مدینہ لاہور جولائی 2015 |
اكستان |
 |
حقیقی نیک،تھوڑا عمل مگر مسلسل : ایک تو صورت یہ ہوتی ہے کہ نیک آدمی وہ ہے جو گناہ بھی کرتا رہے نیکی بھی کرتا رہے وہ بھی نیک ہی معلوم ہوتا ہے لیکن حقیقتاً نیک وہ ہے جو گناہوں سے رُک جائے اور نیکیاں کرے تو بہت سی چیزیں ایسی ہیں جنہیں اِنسان رفتہ رفتہ رفتہ رفتہ چھوڑے تو چھوڑ سکتا ہے اور اِس مبارک مہینہ میں صبح سے شام تک تو روزہ رہا ہی رہا ہے اور اُس کے ساتھ ساتھ ایک خفیف سا خیال دھیان ایک لطیف سا دھیان اللہ تعالیٰ کی ذاتِ پاک کی طرف اگر لگا رہے تویہ بہت بڑی چیز ہوتی ہے یہ ایسے ہے جیسے کہ ایک چیز ہلکی ہلکی اور دائمی ہو تو وہ جاکر بہت زیادہ بن جاتی ہے بہ نسبت اِس کے کہ ایک بارش کا جھلّہ آئے اور بعد میں نہ رہے ،اگر ہلکی پھوا ر دیر تک رہے جھڑی جسے کہتے ہیں ہلکی پھوا ر وہ زیادہ مفید ہوتی ہے اور دائمی چیز جو ہے وہ ہوتی ہے زیادہ مفید۔ تمام سال اِس مشق کی برکات : تو ایک لطیف سا خیال اپنے دِل میں اِنسان یہی رکھے کہ اپنے دِل کو اللہ کی ذاتِ پاک کی طرف متوجہ رکھے کہ اللہ تعالیٰ میرے ساتھ ہے یا اللہ تعالیٰ مجھ کو دیکھتے ہیں اِس طرح کا خیال اگر اِنسان قائم رکھے تو اِس کی مشق ہو سکتی ہے اور اِس کے اَثرات پھر سال بھر چلتے ہیں ،یہ مہینہ ایسا ہے اِس کے اَثرات اگلے گیارہ مہینے تک اِنسانی طبیعت پر قائم رہتے ہیں ۔ اللہ تعالیٰ ہمیں توفیق عطا فرمائے کہ ہم اِس مقدس مہینے کی برکات سے پوری طرح متمتع ہوں اور حق تعالیٰ ہمیں اِس کے مبارک اَوقات حاصل کرنے کی توفیق عطا فرمائے، اِن کے مبارک اَوقات میں مبارک دُعائیں کرنی ہمیں نصیب فرمائے۔ وَاٰخِرُ دَعْوَانَا اَنِ الْحَمْدُ لِلّٰہِ رَبِّ الْعٰلَمِیْنَ۔