ماہنامہ انوار مدینہ لاہور جولائی 2015 |
اكستان |
 |
نمی پہنچتی تھی اُس کی اِن کے بدن کو تکلیف پہنچ رہی تھی تو خواب میں حاکم یہ بار بار دیکھتا رہا ہے کہ اِس طرح وہ فرماتے ہیں کہ یہاں سے مجھے ہٹادو، حضرت عبداللہ اِبن عباس رضی اللہ عنہما نے اِن دونوں کی قبر کھولنے کا حکم دیا قبر کھودی گئی واقعی جسم ِ پاک پر نمی پہنچتی تھی وہاں سے ہٹا کردُوسری جگہ پھر دفن کیا گیا، ایک دو نہیںواقعات بہت زیادہ واقعات ہیں اور جب بھی تھے اور اَب بھی ہیں۔ تیرہ سو برس بعد جسم سالِم : یہ عراق میں١٩١٤ء کے بعد کی بات ہے جو دو صحابہ کرام کو ایک جگہ سے دُوسری جگہ منتقل کیا گیا اور یہ قبر اُن کی دُوسری دفعہ کھودی گئی تیسری دفعہ کھودی گئی پہلی دفعہ وہ تھی جو اَصلی(قبر) تھی پھر دوبارہ منتقل کیا گیا پھر اَب تیبارہ منتقل کیا گیا وہ بھی اِسی طرح کا واقعہ ہے کہ والی ٔ عراق بار بار دیکھتا رہاخواب میں تو جو چیزیں اُس عالَم میں ہونے والی ہیں وہی حقیقی ہیں وہی دائمی ہیں وہی عرصہ تک رہنے والی ہیں وہی مفید اور مضر ہو سکتی ہیں اور اُن کا بتانا یہ نبی کریم علیہ الصلٰوة والتسلیم ہی کا کام تھا۔ ساعت ِ رحمت : چنانچہ آقائے نامدار ۖ نے ہمیں وہ اَوقات بھی بتلائے کہ کن اَوقات میں خدا وند ِ کریم کی رحمت متوجہ ہوتی ہے بندوں کی طرف، اُن اَوقات میں سے رمضانِ مبارک کا مہینہ ایک مقدس ترین مہینہ ہے ، ایک عظیم رحمتوں اور برکتوں کا مہینہ ہے اِس میں جو کچھ اِنسان کوشش کر سکتا ہے اُس کو اپنا وقت بالکل ضائع نہ جانے دینا چاہیے خدا کی یاد سے کوئی وقت خالی نہ جائے اِس کی مشق اِس مہینہ میں ہو سکتی ہے، صبح سے شام تک روزے ہی سے رہتے ہیں،جہاں روزے کا خیال ہے وہاں اللہ کا بھی خیال آسکتا ہے کہ اللہ تعالیٰ کی ذاتِ پاک کا حکم مان رہا ہوں جو چیزیں روزہ کہتا ہے نہ کرو ،وہ چیزیں نہ کی جائیں اُن سے اپنے آپ کو روکا جائے، غیبت نہ کی جائے اور گناہ نہ کیے جائیں اگر گناہوں سے ہی رُک جائے نا آدمی بہت بڑا مسئلہ حل ہوجاتا ہے۔