ماہنامہ انوار مدینہ لاہور نومبر 2013 |
اكستان |
 |
نہیں جانتے سب پر اِیمان لانا، وغیرہ وغیرہ۔ یہاں بھی وہی سوالات ہیں مگر جوابات بالکل مختلف ہیں اُنہوں نے پوچھا اِسلام کیا ہے ؟ تو آپ نے اِنہیں یہ نہیں بتایا معلوم ہوتاہے کہ یہ یہ چیزیں جانتے تھے اِنہیں عمل بتایا کہ اِسلام یہ ہے کہ آدمی گفتگو عمدہ رکھے میٹھی گفتگو ہو اِطْعَامُ الطَّعَامِ جو محتاج ہیں یا مسافر ہیں یا ضرورتمند ہیں یا قیدی ہیں اُن کو کھانا کھلاتا رہے ۔اِیمان کے بارے میں بتایا کہ صبر اَورسماحت، صبر کا مطلب جمے رہنا اِستقامت ،سماحت سخاوت۔ ٭ میں نے دَریافت کیا کہ اِسلام کے اَعمال میں کو نسا عمل اَفضل ہے ؟ اَیُّ الْاِسْلَامِ اَفْضَلُ تو آقائے نامدار ۖ نے جواب دیا مَنْ سَلِمَ الْمُسْلِمُوْنَ مِنْ لِّسَانِہ وَیَدِہ جس کی زبان اَور ہاتھ سے سب مسلمان محفوظ رہیں مطمئن رہیں وہ ہے۔اِسلام کا یہ عمل نیکیوں میں اِسلام کے بتلائے ہوئے کاموں میں سب سے اَچھا عمل ہے اَور ہے بھی بڑا مشکل۔ اِنسان کے ہاتھ سے تکلیف نہ پہنچے یہ تو ہوجاتا ہے کہ بھئی خود کمزور ہے کوئی تکلیف پہنچا ہی نہیں سکتا لیکن زبان سے تو پہنچاتا رہے گا غیبت کرلے گا چغلی کر لے گا کوئی برائی کردے گا کوئی اِلزام لگا دے گا دَسیوں قسم کے گناہ ہیں جو اِنسان کرسکتا ہے اَور دُوسرے کو اُس کے ذریعہ تکلیف پہنچا سکتا ہے۔ آقائے نامدار ۖ نے اِسلام کے کاموں میںیہ کام بتایا کہ یہ سب سے بڑا کام ہے کہ اُس کی طرف سے لوگ مطمئن رہیں ۔ دُعا کرنی چاہیے کہ اللہ تعالیٰ مسلمانوں کو صحیح معنی میں اِسلام پر عمل کی توفیق دے کہ دو سو سال سے مسلسل اِنحطاط اَور خرابیاں چلتی آرہی ہیں ۔ اَب مسلمان ایسی چیز بن کے رہ گیا ہے کہ جس سے کوئی بھی معاملہ کر لے تو اِطمینان نہیں ہو سکتا اَور حقیقتًا یہ تھا کہ اَگر معاملہ مسلمان سے کیا جائے تو سمجھا جاتا تھا کہ یہ مسلمان کی بات ہے اَور اُس کا بڑا وزن تھا۔ وعدہ زبانی ہو یا تحریری پورا کرنا ضروری ہوتا ہے : اَور اِسلام نے کوئی فرق نہیں رکھا ،لکھ کر وعدہ کرو یا زبانی وعدہ کرو ایک ہی بات ہے، لکھ لو