تعلیم قرآن میں شان رحمت کی اہمیت |
ہم نوٹ : |
|
اس وعظ کا تعارف حدیث پاک ہے کہ امت کے سب سے بہترین لوگ علماء ہیں اور علماء میں سب سے بہترین لوگ وہ ہیں جو رحم دل ہیں۔ یعنی جو شفقت، محبت اور رحمت سے لوگوں کو دین کی تعلیم دیتے ہیں۔ اس حدیث پاک میں ان لوگوں کے لیے نصیحت ہے جو دین کی تعلیم میں درشتی، سختی اور شدت کا مظاہرہ کرتے ہیں۔ شیخ العرب والعجم عارف باللہ مجدد زمانہ حضرت اقدس مولانا شاہ حکیم محمد اختر صاحب رحمۃ اللہ علیہ نے اپنے وعظ ’’تعلیم ِقرآن میں شانِ رحمت کی اہمیت‘‘ میں خاص طور پر ان قاری حضرات کو جو چھوٹے نابالغ بچوں پر سختی اور مار پیٹ کا عمل کرتے ہیں اپنا مخاطَب بنا کر کلام اللہ کی تعلیم دینے کا ضابطہ بیان فرمایا ہے۔ قرآن و حدیث کے دلائل سے مزین اس وعظ کے مضامین کو اپنی اہمیت کے لحاظ سے ہر مدرسے کا ضابطۂ اخلاق بنانے کی ضرورت ہے۔