تعلیم قرآن میں شان رحمت کی اہمیت |
ہم نوٹ : |
|
میرا دل ہی نہیں لگے گا۔اور اتنا غریب مدرسہ تھا کہ صبح سے لے کر بارہ بجے تک ناشتہ نہیں دیتا تھا، مدرسے میں کھانا دوپہر کا اور رات کا تھا۔ بتاؤ، جوانی کی بھوک کیسی ہوتی ہے بھائی؟ صبح سے لے کر بارہ ایک بجے تک ایک قطرہ پانی پیٹ میں نہیں جاتا تھا۔ مدرسہ غریب تھا، لیکن میں نے اس مدرسے کو چھوڑ کر امیر مدرسہ تلاش نہیں کیا، کیوں کہ ہمارے پیر اور مرشد وہاں تھے۔بعض اساتذہ بھی شیخ سے اس قدر تعلق کو علم کے لیے مضر سمجھتے تھے اس لیے پسند نہ کرتے تھے، لیکن جب اﷲ نے مثنوی شریف کی شرح وغیرہ میرے ہاتھوں سے لکھوائی، تو ان ہی بزرگوں نے، میرے استاذوں نے کہا کہ واقعی اس کو پیر کی دعا لگ گئی اور آج سارے عالَم میں اﷲ دکھلا رہا ہے کہ اﷲ والوں کی جوتیاں اٹھانا کبھی رائیگاں اور بے کار نہیں جاتا ۔ اﷲ اپنے پیاروں کی خدمت کو کبھی رائیگاں نہیں کرتا۔ اور یہ بھی بتاتا ہوں کہ جس طرح ابّا اپنے بچوں کی محبت کو اپنی محبت کے کھاتے میں لکھتا ہے ،اﷲ تعالیٰ اﷲ والوں کی محبت کو اپنے کھاتے میں لکھتا ہے، جو محبت ﷲ ہوتی ہے وہ بِاﷲ ہوتی ہے ،اﷲ والی محبت اﷲ کے ساتھ شمار ہوتی ہے۔ اساتذہ کو پٹائی سے باز رکھنے کی بعض تدابیر میں دردِ دل سے کہتا ہوں کہ بچوں کی ہرگز پٹائی نہ کرو، اس لیے جب آپ حضرات کا تقرر ہوتا ہے تو مدرسے کے فارم میں ہے کہ ہم بچوں کی پٹائی نہیں کریں گے۔ کیوں بھائی! فارم میں ہے یا نہیں؟ تو جب فارم پر آپ نے دستخط کر دیے تو گویا وعدہ کرلیا اور وعدہ خلافی حرام ہے یا حلال؟ تو پھر یہ سوچ لو کہ یہ کیسا استاذ ہے جو وعدہ خلافی کرتا ہے؟ ابھی ایک لڑکے کو اتنا مارا کہ کئی دن تک اس کے پٹی بندھی ہوئی تھی ۔ان چیزوں کو دیکھ کر مدرسے میں ترقی ہوگی یا تنزلی؟ آپ کہیں گے کہ میں نے تو ہلکا سا یوں کردیا تھا،لیکن آپ کا ہلکا بچوں کے لیے بھاری ثابت ہوتا ہے۔ بتائیے! اگر شیر بکری کے پیٹ پر خالی ملائم سا ہاتھ رکھ دے اور کہے کہ میں نے تو بہت ملائم سا ہاتھ رکھا تھا،تو بکری زندہ رہے گی؟ مارے ڈر کے ہارٹ فیل ہو جائے گا۔ استاذوں کا خود ہی دل میں خوف اور ڈر ہوتا ہے اور جبکہ میں نے یہ بھی کہہ دیاہے کہ دو سال کے بجائے اگر تین سال میں حافظ ہوں اور تین سال کے بجائے چار سال میں ہوں تو ہم آپ سے کبھی شکایت نہیں کریں گے، بشرطیکہ محنت میں کمی نہ ہو اورمہتمم کو آگاہ رکھیں کہ صاحب یہ بچہ سبق صحیح نہیں سناتا، تاکہ ہم ان کے والدین کو اطمینان دلادیں کہ اگر تاخیرہو تومدرسے