تعلیم قرآن میں شان رحمت کی اہمیت |
ہم نوٹ : |
 |
تعلیم قرآن میں شانِ رحمت کی اہمیت اَلْحَمْدُ لِلہ ِ وَکَفٰی وَسَلَامٌ عَلٰی عِبَادِہِ الَّذِیْنَ اصْطَفٰی، اَمَّابَعْدُ فَاَعُوْذُ بِاللہِ مِنَ الشَّیْطٰنِ الرَّجِیْمِ بِسْمِ اللہِ الرَّحْمٰنِ الرَّحِیْمِ قَالَ اللہُ تَعَالٰی اَلرَّحۡمٰنُ عَلَّمَ الۡقُرۡاٰنَ 1؎ وَ قَالَ رَسُوْلُ اللہِ صَلَّی اللہُ عَلَیْہِ وَسَلَّمَ: اَشْرَافُ اُمَّتِیْ حَمَلَۃُ الْقُرْاٰنِ وَاَصْحَابُ اللَّیْلِ 2؎ وَ قَالَ رَسُوْلُ اللہِ صَلَّی اللہُ عَلَیْہِ وَسَلَّمَ: خِیَارُ اُمَّتِیْ عُلَمَاءُ ھَا وَ خِیَارُ عُلَمَاءِ ھَا رُحَمَاءُ ھَا اِلٰی اٰخِرِ الْحَدِیْثِ 3؎ قرآنِ پاک کی خدمت کا اعزاز اﷲ تعالیٰ کا شکر ادا کیجیے کہ آپ لوگوں کو اﷲ تعالیٰ نے قرآنِ پاک کی خدمت نصیب فرمائی اور ہمارے سلسلے میں حضرت میاں جی نور محمد رحمۃ اﷲ علیہ نے ساری زندگی قرآن شریف پڑھایا۔۴۰ سال تک تکبیر اولیٰ سے نماز باجماعت ان کی فوت نہیں ہوئی۔ حاجی امداد اﷲ صاحب نے مسجدِ نبوی میں اﷲ تعالیٰ سے دعا کی کہ مجھے کوئی اﷲ والا صحیح پیر عطا فرمادیں، تو حاجی صاحب کو خواب میں سرورِ عالم صلی اﷲ علیہ وسلم کی زیارت نصیب ہوئی اور حضرت میاں جی نور محمد رحمۃ اﷲ علیہ کے ہاتھ میں حاجی صاحب کا ہاتھ سرورِ عالم صلی اﷲ علیہ وسلم نے رکھ دیا۔ واپس آکر حاجی صاحب حضرت میاں جی رحمۃ اﷲ علیہ سے بیعت ہوگئے۔ میاں جی عالم نہیں تھے، مگر اتنا بڑا درجہ ان کو صرف قرآنِ پاک کی خدمت سے ملا۔ _____________________________________________ 1؎الرحمٰن: 1۔2 2؎شعب الایمان للبیھقی:233/4(2447)،فصل فی تنویرموضع القراٰن،المکتبۃ الرشیدیۃ 3؎کنزالعمال: 152/10(28778)،باب فی الترغیب فیہ من کتاب العلم،مؤسسۃ الرسالۃ