ماہنامہ انوار مدینہ لاہور فروری 2013 |
اكستان |
|
کرلیں اَور جسمانی اِعتبار سے بھی مضر چاہے جس حکیم اَور ڈاکٹر سے معلوم کر لیں۔ اَور اَپنے بچوں کو واہی تباہی اَور ضائع ہونے سے بچائیں۔ اَلحمد للہ یہ سلسلہ ہندوستان میں کچھ نا کچھ چل رہا ہے لیکن اِس کے باوجود مزید اِہتمام کی ضرورت ہے۔ یہ سلسلہ حضرت مولانا اَسعد صاحب مدنی دامت برکاتہم کی سرپرستی میں جمعیة علمائِ ہندبھی چلا رہی ہے۔ اَور حضرت مولانا اَبرار الحق صاحب مدظلہ کے ذریعہ سے بھی چل رہا ہے ۔بندہ کی تمام مدارس سے دَرخواست ہے کہ اِس سلسلہ کو مکتوب نمبر ١ کی ترتیب پرشروع کر کے مکاتب قائم کرائیں۔ میں صاحب ِ خیر حضرات سے دَرخواست کرتا ہوں کہ مدارس کی اِمداد کے ساتھ مکاتب کے قیام کی مد میں مزید اِعانت فرما کر مکاتب کے قیام کے نظام کو وسعت دے کر ثواب ِداریں حاصل کریں۔ اللہ تعالیٰ آپ لوگوں کو جزائے خیر عطا فرمائے صرف اِعانت پر اِکتفا نہ کریں بلکہ اَپنی اَولاد کو بھی قرآنِ پاک کی تعلیم کی طرف متوجہ فرمائیں اَور قرآن پڑھوائیں بڑے لوگوں میں سے جنہوں نے اَب تک قرآنِ پاک نہیں پڑھا وہ بھی قرآن پڑھنے کی نیت کریں، پہلے نیت کا ثواب ملے گا جب شروع کر لیں گے تو شروع کرنے کا ثواب ملے گا۔قرآنِ پاک پورا ہو گیا تو بڑی دَولت حاصل ہو گئی اَور خدانخواستہ قرآنِ پاک پورا ہونے سے پہلے اِنتقال ہو گیا تو اِنشاء اللہ مرنے کے بعد پڑھے ہوؤں میں اُٹھائے جاؤ گے۔ محمد طلحہ کاندھلوی نزیل حال مدینہ منورہ ٩ محرم ١٤٢٤ھ