ماہنامہ انوار مدینہ لاہور اپریل 2012 |
اكستان |
|
(٦) ایک روز ایک کتاب اَشعار کی دیکھ رہا تھا اُس میں ایک مصرع تھا ہاں اے حبیب رُخ سے اُٹھا دو نقاب کو یہ اُس وقت بہت بھلا معلوم ہوا میں مسجد شریف میں حاضر ہوا اَور مواجہہ شریف میں بعد اَدائے آداب و کلماتِ مشر وعہ اِنہی کلمات کو پڑھنا اَور شوقِ دیدار میں رونا شروع کیا، دیر تک یہی حالت رہی جن پر یہ محسوس ہونے لگا کہ مجھ میں اَور جنابِ رسول اللہ ۖ میں کچھ حجاب دیوار اَور جالیوں کا نہیں ہے اَور آپ کرسی پر سامنے بیٹھے ہوئے ہیں آپکا چہرہ مبارک سامنے ہے اَور بہت چمک رہا ہے ۔ (٧) جبکہ میں کراچی سے گنگوہ شریف کے قصد سے سفر کر رہا تھا اَور گاڑی ملتان کے قریب چل رہی تھی خواب میں دیکھا کہ جناب رسول اللہ ۖ اَور حضرت اَبوبکر صدیق رضی اللہ عنہ تشریف لائے ہیں اَور ہر دو صاحبوں کے ہاتھ ایک دُوسرے سے تشبیک کیے ہوئے ہیں۔ (٨) میں نے خواب میں اِمام جلال الدین سیوطی رحمة اللہ علیہ کو دیکھا تو اُن سے دونوں ہاتھ مِلا کر بیعت کی اَور یہ الفاظ کہے :اُبَایِعُکَ عَلٰی مَا بَایَعْتُ بِہِ النَّبِیَّ ۖ (٩) دیکھا کہ ایک بہت بڑا میدان ہے اَور اُس میں آسمان سے ڈول لٹک رہے ہیں۔ جن کے وہ تارجن سے آسمان تک اُن کا علاقہ ہے میں دیکھ رہا ہوں اَور وہ ڈول برابر یکے بعد دیگرے آتے ہیں اَور میں ڈولوں کو اُلٹتا ہوں تو مٹھائی زمین پر اِقسام ِ مختلفہ کی ڈھیر ہوجاتی ہے۔ (١٠) میں دیکھ رہاہوں کہ بہت بڑا ڈھیر مٹھائی کا ہو گیا ہے اَور لوگ اُسکو وہاںکھارہے ہیں۔ (١١) اُس زمانہ میں اِلتزام کرتا تھا کہ باوضو سویا کروں چنانچہ باوضو شب کو چھت پر سویا تھا اَور یہ مکان بقیع شریف اَور حجرہ مطہرہ کے تقریبًا بیچ میں واقع تھا نصف شب سے پہلے دیکھا کہ ایک شخص کہتا ہے کہ مجھ کو اِمام ِزماں اَور اَفسر حج بنائیں گے۔