ماہنامہ انوار مدینہ لاہور اپریل 2012 |
اكستان |
|
اَخبار الجامعہ ( جامعہ مدنیہ جدید محمد آباد رائیونڈ روڈ لاہور ) ٤ مارچ کو شیخ الحدیث حضرت مولانا سیّد محمود میاں صاحب حافظ عقیل صاحب کی دعوت پر اُن کی دو ہمشیر گان کے عقد ِنکاح کے لیے رائیونڈ بائی پاس تشریف لے گئے۔ ٥ مارچ کو حضرت مولانا طارق جمیل صاحب مدظلہم جامعہ مدنیہ جدید تشریف لائے اَور طلباء سے مختصر بیان فرمایا، قبل اَزیں شیخ الحدیث حضرت مولانا سیّد محمود میاں صاحب سے ملاقات کے لیے اُن کی رہائشگاہ پر تشریف لے گئے۔ ٦ مارچ کو حضرت مولانا عبدالحفیظ صاحب مکی مدظلہم مختصر وقت کے لیے جامعہ مدنیہ جدید تشریف لائے۔ ١١ مارچ کو سوئی گیس سے چلنے والے نئے مطبخ کی تکمیل ہوئی حضرت مولانا سیّد محمود میاں صاحب ،اَساتذۂ کرام اَور طلباء کی بڑی تعداد نے اِس موقع پر دُعائے خیر سے اِس کا آغاز کیا۔ ١٧ مارچ کو شیخ الحدیث حضرت مولانا سیّد محمود میاں صاحب حضرت خواجہ خان محمد صاحب کے صاحبزادے حضرت مولانا اَلحاج رشید اَحمد صاحب مدظلہم کی دعوت پر ہڑپہ ضلع ساہیوال تشریف لے گئے راستہ میں عصر کے قریب جامعہ علومِ شرعیہ ساہیوال ٹھہرنا ہوا ، حضرت مولانا سیّد محمود میاں صاحب کی آمد پر اَحباب نے بڑی خوشی و مسرت کا اِظہار فرمایا۔ حضرت مولانا اَمین صاحب اَوکاڑوی کے بھائی پروفیسر میاں محمد اَفضل صاحب مدظلہ نے مدرسہ میں حضرت سے ملاقات کی ،عصر کی نماز پڑھ کر دَادڑہ بالا کے لیے روانہ ہوئے یہاں سے جامعہ کے ناظم ِ اعلیٰ مولانا طارق صاحب مدظلہ بھی شریک ِ سفر ہوگئے۔ خانقاہ میں مغرب سے کچھ دیرپہلے پہنچ کر پروگرام میں شرکت فرمائی۔حضرت مولانا رشید اَحمد صاحب دامت برکاتہم نے عصر کی نشست کی اِختتامی دُعا حضرت مولانا سیّد محمود میاں صاحب