ماہنامہ انوار مدینہ لاہور مارچ 2012 |
اكستان |
 |
بعض ایسے ہیں کہ بیٹھے سوچتے ہی رہتے ہیں مطالعہ کرتے رہتے ہیں اَور پھر اِیمان قبول کرتے ہیں تو اُن کا یہ نہیں ہے اُن کو یہ نہیں کہا جائے گابلکہ وہ بالکل صحیح معنٰی میں مسلمان ہیں۔ اَور ایک یہ ہے کہ غلبہ دیکھ کر گمان کر کے کہ یہ ضرور اللہ کے سچے رسول لگتے ہیں وہ اِسلام میں داخل ہورہا ہے۔ اَور کوئی اِس لیے بھی آتے تھے مسلمان ہونے کے لیے کہ مارے نہ جائیں اِسلام میں داخل ہوجاؤ تاکہ پھر ہماری لڑائی اِن سے نہ رہے ورنہ اِختلاف چل رہا ہے کسی بھی وقت مقابلہ ہو سکتا ہے تو پھر نقصان ہو گا اَور بعض اِس لیے آرہے تھے اَور مسلمان ہوتے تھے کہ مالِ غنیمت ہاتھ لگے ۔ اِسلامی فتوحات تین نسلوں تک جاری رہی ہیں : کیونکہ مسلمان برابر فتوحات حاصل کرتے ہی جارہے تھے مسلمانوں کی فتوحات رُکی بھی نہیں ہیں بہت بعد تک جاری رہی ہیں تین نسلوں تک جاری رہی ہیں کیونکہ رسول اللہ ۖ نے یہ فرمایا تھا کہ ایک دَور وہ آئے گا جس میں یہ پوچھا جائے گا کہ لشکر میں کوئی صحابی ہیں تو جب یہ کہا جائے گا کہ ہیں صحابی تو فتح حاصل ہوجائے گی ۔ پھر دَور آئے گا جس میں پوچھا جائے گا کہ کوئی ایسا ہے جو صحابی کو دیکھے ہوئے ہو توکہا جائے گا کہ ہے تو بھی فتح ہوجائے گی پھر ایسا دَور آئے گا کہ کہا جائے گا کہ کوئی ایسا ہے آدمی کہ جس نے صحابہ کو دیکھنے والوں کو دیکھا ہو تویہ کہاجائے گا کہ ہے تو بھی فتح ہوجائے گی۔ تو یہ تین دَور تو ایسے ہیں کہ اِس میں جس طرف بھی مسلمان گئے بالکل آقا ئے نامدار ۖ کے اِرشاد کے مطابق فتح ہوتی ہی رہی ، اَفریقہ کی طرف گئے ہیں پرلے سرے تک پہنچ گئے اُس سے بھی اُوپر یورپ میں داخل ہوئے اِسپین تک پہنچ گئے جبرالٹر یہ جبل الطارق وغیرہ سب مشہور معروف ہیںتو فتوحات بکثرت ہورہی تھیں تو بعض لوگ اِس خیال سے مسلمان ہوجاتے تھے کہ چلو فائدہ رہے گا اِس میں،تو اُن کو فرمایاگیا کہ اَبھی یہ بات نہیں ہے اَبھی تو اِس درجہ کا نام اِسلام ہے اللہ کی رحمت حاصل ہوگی ضرور بقدر ِاِسلام ،اللہ کا اَور آپ کا معاملہ بقدرِ اِسلام ہے ۔اَور اِیمان جس کا نام ہے وہ بڑی چیز ہے وہ اِس کے دِل میں آہستہ آہستہ جب راسخ ہوجائے گی پھر یہ اِیمان والا یا مومن کہلا سکے گا۔