ماہنامہ انوار مدینہ لاہور مارچ 2012 |
اكستان |
 |
نام کتاب:تذکرہ و سوانح خواجہ خواجگان حضرت مولانا خواجہ خان محمد صاحب تصنیف:مولانا عبدالقیوم صاحب حقانی صفحات:٢٥٦ سائز:١٦/٣٦x٢٣ناشر:اَلقاسم اکیڈمی، خالق آباد نوشہرہ قیمت:درج نہیں خواجہ خواجگان حضرت خواجہ خان محمد صاحب کی شخصیت کسی تعارف کی محتاج نہیں ہے، اللہ تعالیٰ نے حضرت خواجہ صاحب کو اِس دَور میں جو مقبولیت عطاء فرمائی تھی وہ کم کسی کو نصیب ہوتی ہے، حضرت کے حالاتِ زندگی پر بہت سے حضرات نے قلم اُٹھایا ہے اَور اپنے اپنے اَنداز میں کافی کچھ لکھاہے۔ زیرِ تبصرہ کتاب بھی اِسی سلسلہ کی ایک کڑی ہے، مولانا عبدالقیوم صاحب حقانی نے اِس کتاب میں گیارہ اَبواب کے تحت حضرت خواجہ صاحب کی زندگی کے مختلف پہلوؤں پر روشنی ڈالی ہے اَور تفصیل سے لکھاہے، بعض مقامات پر کچھ تسامحات پر نظر پڑی، اگر اِن کی اِصلاح کردی جائے تو بہت بہتر ہو۔ ص ٢٧ پر حضرت لاہوری کے اِنتقال کا سال ١٩٩٢ء لکھا گیا ہے صحیح ١٩٦٢ء ہے، ص ٤٠ اَور ص ٤١ پر حضرت خواجہ صاحب کو صدیقی النسب لکھا گیا ہے یہ درست نہیں ہے، آپ نسبًا صدیقی نہیں تھے مشربًا صدیقی تھے کیونکہ آپ کا سلسلہ نقشبندی تھا جو حضرت صدیق ِ اَکبر رضی اللہ عنہ پر منتہی ہوتا ہے پھر حضرت صدیق ِاَکبر رضی اللہ عنہ تک صرف ٣٤ واسطے بنتے ہیں نہ کہ ١٣٧۔ اِس تسامح کی درستگی ضروری ہے، مجموعی طور پر کتاب مفید ہے۔