ماہنامہ انوار مدینہ لاہور جنوری 2011 |
اكستان |
|
درس حديث حضرت ِاقدس پیر و مرشد مولانا سید حامد میاں صاحب کے مجلسِ ذکر کے بعد درسِ حدیث کا سلسلہ وار بیان ''خانقاہِ حامدیہ چشتیہ'' رائیونڈ روڈ لاہور کے زیرِانتظام ماہنامہ'' انوارِ مدینہ'' کے ذریعہ ہر ماہ حضرت اقدس کے مریدین اور عام مسلمانوں تک با قاعدہ پہنچایا جاتا ہے۔ اللہ تعالیٰ حضرت اقدس کے اِس فیض کو تا قیا مت جاری و مقبول فرمائے۔ (آمین) ُۖکفر کا گڑھ مشرق کی طرف ہے ۔گھوڑے اَور اُونٹ والوں میں تکبر اَور اَکڑ ہوتی ہے دیہاتی زور سے بولتے ہیں۔ جمعہ شہروں میں ہو گا دیہاتوں میں نہیں ( تخریج و تزئین : مولانا سیّد محمود میاں صاحب ) (کیسٹ نمبر 63 سا ئیڈB 12 - 12 - 1986 ) الحمد للّٰہ رب العالمین والصلٰوة والسلام علٰی خیر خلقہ سیدنا ومولانا محمد وآلہ واصحابہ اجمعین امابعد ! آقائے نامدار ۖ نے اِرشاد فرمایا ہے کہ یمن میں خیر ،دِلوں کی نرمی پائی جاتی ہے اَور وہ اِتنی زیادہ ہے کہ اَ لْاِیْمَانُ یَمَانٍ وَالْحِکْمَةُ یَمَانِیَّة ِایمان یمنی ہے اَور حکمت ہے تو یمنی ۔حکمت کہتے ہیں کہ نبی نہ ہو اَورصحیح راستے پر چلے ، بغیر نبوت کے صحیح چیز تک پہنچ جائے یہ حکمت کہلاتی ہے اَ لْاِصَابَةُ مِنْ غَیْرِ النُّبُوَّةِ نبوت کے بغیر صحیح چیز تک پہنچ جائے تو لقمانِ حکیم جو کہلاتے ہیںوہ بھی اِسی لحاظ سے کہ وہ نبی نہیں تھے مگر اللہ کی ہدایت اُن کے ایسے شامل ِ حال تھی کہ وہ صحیح راستے پر چلتے رہے صحیح باتیں کرتے رہے صحیح ہی باتیں اُن کی سمجھ میں آتی تھیں اِلہام ہوتی تھیں۔ اِسی طرح آقائے نامدار ۖنے جس طرف شر ہے وہ بھی بتلایا کہ رَأْسُ الْکُفْرِ نَحْوَ الْمَشْرِقِ مدینہ طیبہ سے جانب ِ مشرق بنتی ہے وہ جگہ جہاں کفر کا گڑھ تھا '' رَأْسُ الْکُفْرِ '' کفر کا سَر یعنی گڑھ کفر کی چوٹی کفر اِنتہائی پہنچا ہوا ہے چوٹی تک، وہ جگہ اَگر ہے تو مشرق کی سمت ہے وَالْفَخْرُ وَالْخُیَلَائُ فِیْ اَھْلِ الْخَیْلِ وَالْاِبِلِ اَور تکبر اَور اَکڑ اِتراہٹ یہ اُن لوگوں میں پائی جاتی ہے جو گھوڑے اَور اُونٹ رکھتے ہوں