ماہنامہ انوار مدینہ لاہور جنوری 2011 |
اكستان |
 |
اِنسان کا سب سے بڑا کمال یہی ہے کہ وہ اُسوۂ حسنہ آنحضرت ۖ کو مضبوطی سے تھامے رہے چنانچہ آنحضرت ۖ کے اُسوۂ حسنہ کی روشنی میں حضرت شیخ الاسلام کے اَخلاقِ عظیمہ کے مختلف پہلوئوں کو پیش کرنے کی کوشش کررہا ہوں۔ حضرت شیخ الاسلام کے خلفاء و مریدین اَور تمام مسلمانوں کو چاہیے کہ اِن اِسلامی اَخلاق کو اِختیار کریں اَور ایسی تمام چیزیں جو زمانۂ جاہلیت کی پیروی کے نشان میں سے ہیں پرہیز کریں۔ اتباعِ سنت اَور عشقِ شیخ کے لیے کچھ قربان کرنا پڑتا ہے محض آنکھ بند کرنے اَور پیرانہ ڈھونگ سے کچھ حاصل نہیں ہوتا۔ غرباء و مساکین کے ساتھ : خاکساروں سے مِلا کرتے ہیں جُھک کر سربلند آسماں بہر تواضع ہی زمیں پر خم ہوا غرباء و مساکین، یتامٰی و اَسارٰی، ضعفاء و نادار، تنگ دست اَور لاوارِثوں کا وہی سہارا و ٹھکانا ہوتا ہے جس کے قلب میں مخلوقِ خداوندی کی ہمدردی اَور دماغ میں اَلْخَلْقُ عِیَالُ اللّٰہِ کا تصور اَور کُلُّ بَنِیْ آدَمَ اِخْوَة کا جذبہ ہوتا ہے۔ کہنے کو تو سب ہی کہتے ہیں لیکن عمل کے میدان میں حضرت شیخ الاسلام ہی کو پایا ہے مخلوقِ خدا سے ہمدردی اَور اُن کی نصرت و معاونت کا جذبہ آپ کی رَگ و پے میں سمایا تھا سب جانتے ہیں کہ آپ مالی اعتبار سے نہ زمیندار تھے اَور نہ رئیس۔ حد یہ ہے کہ ہر ماہ آپ کو قرض لینا پڑتا تھا اِس پر بھی کوئی سائل یا ضرورت مند آپ کے آستانہ سے محروم نہ جاتا اَور آپ ہمیشہ اِرشادِ خداوندی فَاَمَّا الْیَتِیْمَ فَلَا تَقْھَرْ وَاَمَّا السَّآئِلَ فَلَا تَنْھَرْ کو پیش ِ نظر رکھتے تھے۔ میرے علم میں نہیں ہے کہ کوئی ضرورت مند سائل آپ کے دروازہ پر آیا ہو اَور محروم گیا ہو اَور کچھ نہیں تو کم اَز کم کھانا کھلاکر ضرور واپس کرتے تھے۔ سچ ہے اِسی قسم کے حضرات اِرشادِ باری تعالیٰ کا مصداق ہوتے ہیں وَیُطْعِمُوْنَ الطَّعَامَ عَلٰی حُبِّہ مِسْکِیْنًا وَّیَتِیْمًا وَّاَسِیْرًا وہ لوگ اُس کی محبت میں مساکین و یتامٰی و اُسارٰی کو کھانا کھلاتے ہیں۔ ایک روز آپ درسِ حدیث سے تشریف لارہے تھے کہ راستے میں ایک سائل نے سوال کیا کہ میں ضرورت مند ہوںآپ نے فورًا ہی دس روپے کا نوٹ نکال کر حوالہ کیا (اُس وقت یہی دس روپے آپ کے پاس تھے) ۔اِسی طرح ایک دن دیوبند کے ایک صاحب نے آکر اپنی ضروریات کا اِظہار کیا حضرت نے فور