ماہنامہ انوار مدینہ لاہور نومبر 2008 |
اكستان |
|
سفر حج پر روانہ ہونے والے تمام مومنین اپنے ارد گرد موجود ذاتی وانفرادی زنجیروں کو توڑ کر پھینک دیتے ہیں تاکہ وحدت کی مشق کریں اگرچہ ان لوگوں کا تعلق مختلف قوموں سے ہے، وہ الگ الگ علاقوں کے رہنے والے ہیں ، خاندانی اورنسلی اعتبار سے ایک دُوسرے سے مختلف ہیں، اِن میں عرب ہیں ،عجم ہیں ، ایشیائی ہیں، افریقی ہیں ، یورپی ہیں ، سیاہ فام اور گورے ہیں ،گاؤں والے ہیں ،شہر والے ہیں ،عالم وجاہل ہیں ، کمانڈروحاکم ہیں ،ملازم وخدمت گزار ہیں ، دولت مند اور فقیر ہیں۔ بہرحال یہ جو کچھ ہیںجہاں کے ہیں چاہے جیسا لباس پہنتے ہوں اور چاہے جتنی خصوصیات کے حامل ہوں ، اُن کی یہ تمام چیزیں اپنی جگہ پر ہیں مگر اس سرزمین پر قدم رکھتے ہی یہ لوگ اپنی ذاتی اور انفرادی زندگی سے تعلق رکھنے والی تمام چیزوں کوترک کردیتے ہیںاور ایک رنگ وایک ہی قسم کا لباس پہن کر آپس میں گھل مل جاتے ہیں۔میقات ہو یا عرفات ، سعی ہو یا طواف ، منٰی ہو یا مشعر حرام ،ہر جگہ سب لوگ ایک ساتھ ایک شکل میں ایک ہی عمل انجام دیتے ہوے نظر آتے ہیں۔ تمام محبانِ خدا ورزائرین ِبیت اللہ آبادی کی بھیڑ میں گم ہوجاتے ہیں تاکہ اپنی ذات کو بھول جائیں ، یہ ایک قطرے کی طرح انسانوں کے سمندر میں شامل ہو جاتے ہیں تاکہ ایک مخصوص انداز میں ابدیت کے سمندر کی سیر کرلیں کیونکہ ان لوگوں نے کثرت سے وحدت کی طرف پہنچنے کا قصد کررکھا ہے چنانچہ ہر عاشق ومحب اپنا ہوش کھو کر بے خودی اورکیف ومستی کے والہانہ جذبات کے ساتھ اپنے رب کے حضور اس شان کے ساتھ آتاہے کہ نہ اُسے اپنے کپڑوں کا ہوش ہے اورنہ بالوں کا ، گردوغبار سے اٹے ہوئے چہرے کے ساتھ محبوب کے در و ازے پر پہنچ کر اپنی حاضری کا اعلان کرتا ہے لَبَیْکَ اللّٰھُمَّ لَبَّیْکْ ۔ لَبَّےْکَ لَا شَرِیْکَ لَکَ لَبَّیْکْ۔اِنَّ الْحَمْدَ وَالنِّعْمَةَ لَکَ وَالْمُلْکْ ۔ لَاشَرِیْکَ لَکْ یعنی ''حاضرہوں اے اللہ! حاضرہوں، تیرا کوئی شریک نہیں ، حاضر ہوں بے شک سبھی تعریفیں اور نعمتیں تیری ہی ہیں اور بادشاہت بھی ، تیراکوئی ساجھی نہیں''۔ دربارِ خداوندی میں پہنچنے والا ہربندہ ایک ایک فریضے کی ادائیگی دیوانوں کی طرح کرتا ہے ، کبھی اپنے مالک کے گھرکا چکر لگاتا ہے تو کبھی عرفات میں حمدوثنا کرتاہوا اپنی کوتاہی کی معافی چاہتا ہے، کبھی مزدلفہ میں قربِ الٰہی کا خواہاں رہتا ہے تو کبھی صفا اور مروہ کے درمیان دوڑ لگا کر سنت ِعاشقانہ کو تازہ کرتا ہے ،کبھی