ماہنامہ انوار مدینہ لاہور جون 2008 |
اكستان |
|
دُوسرے کودیکھ رہے ہیں،دُنیاکودیکھ رہے ہیں۔ لیکن اگرآپ بندکمرے میں تمام کھڑ کیاںاور روشندان بندکردیں مکمل تاریکی چھاجائے یا رات کی تاریکی ہے یا بجلی بندہوجائے اَب بینائی کی قوت وہی کی وہی ہے جواِس وقت ہے لیکن نظر نہیں آئے گااُس وقت، تمام تربینائی کی قوت موجودلیکن تاریکی ہے نظرنہیں آتاتواِس کامعنٰی یہ ہے کہ قوتِ بینائی کے لیے باہر روشنی کی بھی ضرورت ہے۔ سماعت ہے ہم سن رہے ہیں خوب سن رہے ہیں لیکن آپ اپنے آپ کو ائیرلاک کرلیں جیسے ہم جہاز میں بیٹھ جاتے ہیں جہاز جب مکمل بندہوجاتاہے تو باہرکی آوازیں نہیں آتیںوہی کان ہیں قوت ِسماعت پوری کی پوری اُس میں موجودہے دروازہ کھولیں تو فورًاہواآئے بندکردیں تو سب کچھ بندہوجاتاہے، اِس کامعنٰی یہ ہے کہ جب تک باہرکی قوت اِس کے ساتھ نہ ہوسماعت خود کام نہیں کرسکتی۔ اِس لیے ہمیں اللہ نے جو عقل عطاکی ہے اِس عقل کواُس وقت تک راستہ نہیں ملے گا جب تک اِ س عقل کو شریعت کی رہنمائی حاصل نہیں ہو گی تو ہمیں شریعت کی رہنمائی چاہیے ، اگر شریعت کی رہنمائی نہیں تویہ عقل تاریکی میں ہے دھکّے کھارہی ہے اِدھراُدھر آوارہ گردی کررہی ہے لہٰذا ہمیں شریعت کی روشنی چاہیے اوراِس پرہمیں اِکتفاء کرناچاہیے اوراِس کاجونظام ہے اجتماعیت کاجماعتی زندگی کا، شورائیت کا، اُس پرہمیں سوچنا چاہیے کہ ا گر پیغمبر علیہ الصلٰوة والسلام شورٰی کے محتاج ہیں توہم کیسے محتاج نہیںہیں؟ اور خلفائے راشدین شورٰی کے محتاج ہیں تو ہم کیسے محتاج نہیں؟ اوراگر آپ حضرت مولانامحمدمیاں صاحب کی کتاب عہد ِ زریں کو پڑھیں تو آپ کواُس سے بہت روشنی ملے گی اورپتہ چلے گاکہ جماعتی زندگی کس چیزکانام ہے اور شورائیت کس چیزکانام ہے اورشوریٰ کے فیصلوں کی اہمیت کیاہے؟رب العالمین ہمیں یہ رہنمائی عطافرمائے، یہ روشنی عطاء فرمائے اوراِن اِداروں کواللہ تعالیٰ قائم و دائم رکھے یہ ہمارے مراکز ہیں اِن کی ہمارے نزدیک بہت بڑی قیمت ہے۔ ایک آدمی کاکُتّااُس کے اُوپرسے گزراتو کسی نے کہاکہ یہ کتاآپ کا کان لے کر چل پڑا ہے تووہ دوڑ پڑا اُس کے پیچھے، کسی نے کہاکیوں دوڑ رہے ہو؟ اُس نے کہا یہ کتا میراکان لے کرجارہاہے اُس نے کہا ذرا ہاتھ تو لگاؤ کان تو تمہارے پاس ہے ،اُس نے کہاکہ فلاں نے کہا کہ تمہاراکان لے کرجارہاہے توبعض چیزیں ایسی آجاتی ہیں اور اَخبارات واقعتًا عجیب عجیب باتیں پھیلاتے رہتے ہیں۔ تواعتمادایک ایسی چیزہے کہ جواِس قسم کی چیزوں کا خوددفاع کرتی ہے، ہمیں پتہ ہے کہ ہمارے