ماہنامہ انوار مدینہ لاہور جون 2008 |
اكستان |
 |
درس حدیث حضرت ِاقدس پیر و مرشدمولانا سید حامد میاںصاحب کے مجلسِ ذکر کے بعد درسِ حدیث کا سلسلہ وار بیان ''خانقاہِ حامدیہ چشتیہ'' رائیونڈروڈلاہور کے زیرِانتظام ماہنامہ'' انوارِ مدینہ'' کے ذریعہ ہر ماہ حضرت اقدس کے مریدین اور عام مسلمانوں تک با قاعدہ پہنچا یا جاتا ہے۔ اللہ تعالیٰ حضرت اقدس کے اِس فیض کو تا قیا مت جاری و مقبول فرمائے ۔(آمین ) ''کشف ' ' ظاہری چیز ہے ،موت کے وقت کی حالت کا اعتبار ہوتا ہے حضرت خالد بن ولید رضی اللہ عنہ ہمیشہ غالب رہے برائی سے روکنا ضروری ہے ( تخریج و تزئین : مولانا سیّد محمود میاں صاحب ) ( کیسٹ نمبر 55 سائیڈ B 07 - 02 - 1986 ) الحمد للّٰہ رب العالمین و الصلٰوة والسلام علٰی خیر خلقہ سیدنا و مولانا محمد وآلہ واصحابہ اجمعین امابعد ! حضرتِ آقائے نامدار ۖ کے ساتھ ایک جگہ کچھ صحابہ کرام تھے بظاہر یہ سفر کی بات معلوم ہوتی ہے تو وہاں پڑاؤ ڈالا تو لوگ آس پاس سے گزرنے لگے ،رسول اللہ ۖ نے دریافت فرمایا مَنْ ھٰذَا یَا اَبَاہُرَیْرَةَ ابوہریرہ یہ کون ہیں؟ گزرنے والے کے بارے میں پوچھا، خود نہ دیکھ رہے ہوں گے جیسے آدمی لیٹا ہوا ہو اُسے یہ احساس ہوتا ہے کہ کوئی گزرا ہے۔ تو میں بتلادیتا تھا کہ یہ فلاں صاحب ہیں۔ رسول اللہ ۖ فرماتے تھے کہ یہ اچھا آدمی ہے نِعْمَ عَبْدُ اللّٰہِ ھٰذَا یہ اللہ کا اچھا بندہ ہے اِسی طرح پھر آپ نے دریافت فرمایا کہ یہ کون ہیں؟ میں نے جواب دیا تو یہ اِرشاد فرمایا بِئْسَ عَبْدُ اللّٰہِ ھٰذَا یہ اللہ کا اچھا بندہ نہیں ہے۔ کسی کے اچھے یا برے ہونے کا دعوی ہر کوئی نہیں کر سکتا : ایسی باتوں کا حق جو تھا وہ صرف جنابِ رسول اللہ ۖ کو تھا آپ کو وحی کے ذریعہ قطعی بات