ماہنامہ انوار مدینہ لاہور جون 2008 |
اكستان |
|
عالمی خبریں پھر ایمان کیوں نہیں لاتے ؟ قرآنِ کریم بیش قدر آسمانی کتاب ہے : پوپ بینڈکٹ ویٹی کن (اے پی پی) عیسائیوں کے مذہبی رہنما پوپ بینڈکٹ نے قرآنِ کریم کو بیش قدر آسمانی کتاب قراردیا ہے۔ بین الاقوامی اسلامی نیوز ایجنسی کی رپورٹ کے مطابق پوپ نے اِن خیالات کا اظہار ایران کے ایک وفد سے ملاقات کے دَوران کیا ہے۔ وفد نے مہدی مصطفوی کی قیادت میں پوپ بینڈکٹ سے ملاقات کی، ملاقات کے دَوران پوپ بینڈکٹ نے اسلام اور عیسائیت کے درمیان مکالمہ اور مفاہمت کے فروغ کے لیے اِقدامات کی ضرورت پر زور دیا۔ پوپ بینڈکٹ کو اِس موقع پر قرآنِ کریم کا تحفہ دیا جسے پوپ نے شکریہ کے ساتھ قبول کرتے ہوئے کہا کہ قرآنِ کریم بیش قدر آسمانی کتاب ہے۔ (روزنامہ نوائے وقت 6 مئی 2008) گوجرانوالہ میں کلمہ طیبہ والے اَنڈر ویئرز کی سپلائی پر دُکانداروں کا احتجاجی جلوس، ٹریفک جام گوجرانوالہ (نمائندہ خصوصی) کلمہ طیبہ کی تحریر والے اَنڈرویئر سپلائی کرنے پر پیس شاپنگ سنٹر گوجرانوالہ کے دُکانداروں نے گزشتہ روز احتجاجی جلوس نکالا جو جی ٹی روڈ سے ہوتا ہوا مین مارکیٹ ماڈل ٹاؤن میں ختم ہوگیا راستے میں جلوس میں شہریوں کی بڑی تعداد بھی شامل ہوگئی۔ جلوس کے باعث جی ٹی روڈ پر ٹریفک ایک گھنٹہ جام رہی۔ مسجد مکرم ماڈل ٹاؤن کے باہر جلوس میں شباب ملی کے وَرکرز بھی شامل ہوگئے۔ اِ س موقع پر شباب ملی کے سٹی صدر فرقان عزیز بٹ نے خطاب بھی کیا۔ پیس کے دُکانداروں حنیف، قاری یحییٰ اور غلام مصطفٰی نے بتایا کہ شہر کی تمام مساجد کو اِس جسارت سے آگاہ کردیا گیا ہے اور آج نمازِ جمعہ کے اجتماعات میں اِس امر کے خلاف قراردادیں منظور کی جائیں گے۔ (روزنامہ نوائے وقت23مئی 2008)