ماہنامہ انوار مدینہ لاہور جون 2008 |
اكستان |
|
اَخبار الجامعہ ( جامعہ مدنیہ جدید رائیونڈ روڈ لاہور ) ٢٣ اپریل کو جامعہ مدنیہ جدید میں شعبہ حفظ کے طالب علم محمد نعیم بن چوہدری محمد حنیف صاحب (نمبردار پاجیاں) نے حفظ ِ قرآن مکمل کیا ،اس موقع پر حضرت مہتمم صاحب نے دُعا کروائی ۔اگلے روز چوہدری صاحب نے حضرت مہتمم صاحب اورتمام اساتذہ کرام کی اپنے گھر پر کھانے کی دعوت کی۔ ٢٧ اپریل کو خانقاہ ِحامدیہ میں ایک عیسائی لڑکے نے شیخ الحدیث حضرت مولانا سید محمود میاں صاحب کے ہاتھ پر اِسلام قبول کیا ۔ ٢٣مئی کو شیخ الحدیث حضرت مولانا سید محمود میاں صاحب جامعہ مدنیہ جدید کے طالب علم نثار احمد متعلم درجہ سادسہ کے ایماء پر سرحالی قصور کی جامع مسجد میں نمازِجمعہ کے افتتاح کے موقع پر جمعہ کی نماز پڑھانے تشریف لے گئے۔ آپ نے حاظرین سے'' اللہ اور اُس کے رسول کی اطاعت کی اہمیت'' کے موضوع پر بیان کیا۔ اسی روز بعد اَز نماز مغرب حضرت مولانا سید محمود میاں صاحب قاری نذیر احمد صاحب کی دعوت پر الحمد کالونی وحدت روڈ کی جامع مسجد مدنی میں تشریف لے گئے اوراسلامی سیاست کے موضوع پر اصلاحی بیان فرمایا۔ ٢٦ مئی کو شیخ الحدیث حضرت مولانا سید محمود میاں صاحب نے ایوان ِاقبال میں منعقد ہونے والی '' سو سالہ ختم نبوت کانفرنس ''میں شرکت کی، اس دن جامعہ میں تعطیل ہوئی اور تمام اَساتذہ کرام اور کافی تعداد میں طلباء نے شرکت کی۔