ماہنامہ انوار مدینہ لاہور مارچ 2007 |
اكستان |
 |
حضرت اقدس پیر و مرشدمولانا سید حامد میاںصاحب کے مجلسِ ذکر کے بعد درسِ حدیث کا سلسلہ وار بیان ''خانقاہِ حامدیہ چشتیہ'' رائیونڈروڈلاہور کے زیرِانتظام ماہنامہ'' انوارِ مدینہ'' کے ذریعہ ہر ماہ حضرت اقدس کے مریدین اور عام مسلمانوں تک با قاعدہ پہنچا یا جاتا ہے۔ اللہ تعالیٰ حضرت اقدس کے اِس فیض کو تا قیا مت جاری و مقبول فرمائے ۔(آمین ) متبع سنت اور متقی عالم کا درجہ سب سے بڑا ہے علم کا صحیح استعمال تقوے کی بدولت ہوتا ہے حضرت معاذ بن جبل اور ہدیہ کی رقم میں احتیاط ( تخریج و تزئین : مولانا سےّد محمود میاں صاحب ) کیسٹ نمبر ٥٢ سائیڈ اے ( ١٩٨٥۔١٠ ۔ ٤ ) الحمد للّٰہ رب العالمین والصلٰوة والسلام علٰی خیر خلقہ سیدنا ومولانا محمد وآلہ واصحابہ اجمعین امابعد ! حضرت معاذ بن جبل رضی اللہ تعالیٰ عنہ رسول اللہ ۖ کے ایسے صحابی ہیں کہ جو تعلیم حاصل کرتے کرتے اِس درجے کو پہنچ گئے تھے کہ اُنہیں رسول اللہ ۖ نے فیصلہ کرنے کا حق دیا، قاضی ہونے کا حق دیا اور اُن سے دریافت کیا کہ( فیصلے) کیسے کرو گے؟ تو اُنہوں نے جو طریقہ بتلایا اُسے آپ نے پسند فرمایا کہ ٹھیک ہے یہ ۔ آپ نے اجازت دی اُس کی۔ کچھ صحابہ کرام ہیں ایسے کہ جنہیں جناب رسول اللہ ۖ نے اپنی موجودگی میں اجازت دی ہے کہ اجتہاد کرسکتے ہیں وہ، فتوے دے سکتے ہیں۔ یہ بھی اُنہی میں سے ایک صحابی ہیں کہ جنہیں اجتہاد کی بھی اجازت دی۔ تو پہلے پہل تو کچھ ایسے تھا کہ صحابہ کو معلومات تھوڑی تھیں تو ایک دفعہ ایک واقعہ پر رسول اللہ ۖ خفا بھی ہوئے اِن سے کہ نماز لمبی کردی اِنہوں نے اور ایک آدمی تھا نماز میں شامل، وہ کہیں سے