ماہنامہ انوار مدینہ لاہور مارچ 2007 |
اكستان |
|
اپنی زبان اپنی شناخت برطانوی سکولوں میں اُردو پڑھائی جائے گی لندن (اے ایف پی) برطانوی حکومت نے فیصلہ کیا ہے کہ عالمگیریت کے دَور میں سکول کے نوعمر طلباء و طالبات کو اُردو اور چینی (مندارن) سمیت دیگر زبانوں کی تعلیم دی جائے گی۔ سرکاری عہدیدار کے مطابق 11سے 14سالہ بچوں کو سکولوں میں سیکنڈ لینگوئج کے طور پر زبانیں پڑھنی ہوں گی۔ تاہم بعض سکولوں نے صرف یورپین زبانیں فرینچ، جرمن اور سپینش پڑھانے کی پیشکش کی ہے۔ واضح رہے کہ پوری دُنیا میں 160ملین لوگ اُردو اور 800 ملین افراد چینی زبان(مندران) سمجھتے اور بولتے ہیں۔ (روز نامہ نوائے وقت ٥ فروری 2007ء ) عورت کی شانِ حجاب بھارت میں برقعوں کی سیل میں ریکارڈ اضافہ نئی دہلی (اے پی پی) بھارتی شہر ممبئی میں عربی طرز کے برقعوں کی فروخت نے شلوار قمیص کی فروخت کو مات دے دی۔ مقامی ذرائع سے حاصل کردہ رپورٹ کے مطابق ممبئی میں برقعوں کی فروخت میں ریکارڈ اضافہ ہوا ہے۔ بِگ بازار ریٹیل چین سٹورز کے مطابق خصوصی طور پر ڈیزائن کردہ برقعوں جن میں خوبصورت لیسوں رنگین کڑھائیوں اور موتیوں کا استعمال کیا گیا ہے، کی سیل میں خاطر خواہ اضافہ نے اُن کو حیران کردیا ہے۔ اِن برقعوں کی سیل شلوار قمیض کی سیل سے بڑھ گئی ہے۔ مرکزی ممبئی میں مذکورہ برقعوں کا سٹاک چند دن میں ختم ہوگیا اور اِتنے ہی مزید آرڈرز موصول ہوچکے ہیں جبکہ بِگ بازار کے حیدر آباد اور راجکوٹ کے سٹورز پر بھی برقعے دَھڑادَھڑ فروخت ہورہے ہیں۔ اِن برقعوں کی قیمت 200سے 450روپے تک ہے۔ (روز نامہ نوائے وقت ٥ فروری 2007ء )