ماہنامہ انوار مدینہ لاہور اگست 2006 |
اكستان |
 |
کثیر تعداد میں طلباء اور عوام کو بڑا پر اثر بیان فرمایا۔ حضرت ابوذر کی روایت کردہ حدیث اِرشاد فرمائی کہ تین آدمی ایسے ہیں جن پر قیامت کے دن اللہ تعالیٰ سخت غصّے ہونگے اور اُن سے کلام تک نہیں کریں گے۔ ایک وہ شخص ہے جو اپنے لباس سے ٹخنوں کو چھپائے، دوسرے وہ شخص جو احسان جتلائے اور تیسرے وہ شخص جو جھوٹی قسمیں کھاکر اپنا سودا بیچتا ہو۔ آگے فرمایا کہ آج مسلمان کو اپنی اسلامی تعلیمات سے ہٹ کر یہ نقصان اُٹھانا پڑا کہ یہ مسلمان کلمہ گو ہونے کے باوجود بددیانت ہے، معاملات میں درست نہیں ہے اس لیے دُنیا میں رُسوا ہے۔ رات خوشاب میں گزاری۔ فجر کی نماز کے کچھ دیر بعد ناشتہ کرکے تقریباً ساڑھے نو بجے لاہور روانہ ہوگئے اور ٢٦ جولائی کو ظہر کے وقت بخیریت لاہور پہنچے۔ بحمد اللہ یہ سفر بڑا مبارک رہا۔ حضرت صاحب کی شفقت اور محبت سے پورا سفر آسانی سے ہوا۔ اللہ تبارک وتعالیٰ سے دُعاء ہے کہ اللہ تعالیٰ مجھے اپنے شیخ کی خدمت کی سعادت ہمیشہ نصیب فرماکر ہماری اصلاح فرمائے اور کامل اتباع سنت پر چلنے کی توفیق عطاء فرمائے اور اللہ تعالیٰ ہمیں اپنی بارگاہِ الٰہی میں قبول فرماکر مرتے دم تک دین ِعالیشان کی خدمت کے لیے قبول فرمائے، آمین۔