ماہنامہ انوار مدینہ لاہور اگست 2006 |
اكستان |
|
ناشر : عالمی مجلس تخفظ ختم نبوت، حضوری باغ روڈ ،ملتان قیمت : =/ ٩٠ زیر تبصرہ کتاب ''جو ختم نبوت پہ فدا تھے'' جناب طاہر عبدالرزاق کی تازہ ترین تصنیف ہے۔ اس میں آپ نے بلااختلاف مسلک و مشرب اُن اکابر و اصاغر کا تذکرہ کیا ہے جنہوں نے اپنی زبان و قلم یا قلب و جگر سے ختم ِنبوت کی خدمت اورمرزائے قادیان کے مشن کی بیخ کنی کی تھی۔ انداز بیان دلچسپ ہونے کے ساتھ ساتھ دِلکش بھی ہے۔ نام کتاب : ایضاح ِسنت تصنیف : مولانا عبد القدوس قارن صفحات : ٢٠ ١ ناشر : عمر اکادمی، نزد گھنٹہ گھر، گوجرانوالہ قیمت : =/٤٥ امام اہل سنت حضرت مولانا محمد سرفراز خان صاحب صفدر دامت برکاتہم نے رَدِّبدعت سے متعلق ایک بے نظیر کتاب ''راہِ سنت'' کے نام سے تحریر فرمائی تھی جس میں آپ نے شروع میں بدعت سے متعلق اُصولی بحث فرماکر فرداً فرداً بدعات کی تردید فرمائی تھی۔ آپ کی یہ کتاب اہل حق کے حلقے میں بہت مقبول ہے اور اِس کتاب کی بدولت بہت سے گم کردہ راہوں کو راہِ ہدایت نصیب ہوئی ہے۔ یہ کتاب جس قدر اہل حق کی خوشی اور تسکین کا سبب ہوئی اُتنی ہی اہل بدعت کی ناخوشی اور بے چینی کا سبب بنی۔ حال ہی میں اہل بدعت کی طرف سے اِس کا جواب ''مصباحِ سنت'' (جلداول) کے نام سے شائع کیا گیا ہے۔ زبر تبصرہ کتاب ''ایضاحِ سنت'' اِسی جواب کا جوابُ الجواب ہے جو امام اہل سنت کے خلف الرشید مولانا عبد القدوس قارن زید مجدہم نے تحریر فرمایا ہے۔ یہ جواب پڑھنے کے قابل ہے۔ اہل علم حضرات کے لیے خصوصاً اور بدعت و اہل بدعت سے نبرد آزما عوام کے لیے عموماً اِس کا مطالعہ مفید رہے گا۔