ماہنامہ انوار مدینہ لاہور ستمبر 2005 |
اكستان |
 |
اس بات پر روتا ہوں کہ کل میں نے خدا کے سامنے فریاد کی تھی کہ اے خدا تیرے کام اسباب و علل کے محتاج نہیں ہیں تو مجھ کو اِس گروہ میں شامل کردے یا کم از کم ان کا دیدارکرنے والا ہی بنادے کہ مجھ میں دوسروں میں شامل ہونے کی طاقت نہیں ، میں اِس لیے روتا ہوں کہ میری یہ الحاح وزاری قبول ہو گئی ہے۔ شیخ مجدُالدین بغدادی خوارزمی رحمہ اللہ کے بارہ میں مولانا جامی تحریر فرماتے ہیں : '' کنیت وی ابو سعید ست ونام مجدُ الدین شرف بن الموید بن ا بی الفتح بغدادی رحمہ اللہ وی بہ اصل از بغداد است ''۔ ١ ''ان کی کنیت ابو سعید ہے اور ان کانام مجدُالدین شرف بن الموید بن ابی الفتح ہے اور اصل وطن بغداد ہے ''۔ آپ کو علاء الدین شاہ خوارزم نے ظلماً تہمت لگا کر دریا بردکردیا تھا جس سے آپ کی شہادت واقع ہوئی ۔ ٢ شیخ عطار کی نسبت کے بارہ میں مولانا جامی نوراللہ مرقدہ مزید فرماتے ہیں : '' وبعضی گفتہ اند کہ وی اویسی بودہ است در سخنانِ مولانا جلال الدین رومی قدس سرہ مذکوراست کہ ''نور منصور بعد از صد وپنجاہ سال ، برروحِ فرید الدین عطار تجلی کرد ومربی اوشد '' ۔ ٣ '' اوربعض لوگ کہتے ہیں کہ شیخ فرید الدین عطار اُویسی تھے ۔مولانا جلال الدین رُومی کے ملفوظات میں مذکور ہے کہ حضرت منصور حلاج کے نورنے ڈیڑھ سوسال بعد شیخ عطار پر تجلی کی اور اُن کے مربی ہوئے''۔ شیخ عطار نے اپنے قصائد میں اور'' اسرار نامہ '' میں شیخ ابو سعید ابو الخیر رحمہ اللہ کے ساتھ بھی بہت زیادہ عقیدت واِرادت کااظہار کیا ہے اور کہا ہے کہ مجھے جو کچھ بھی ملا ہے انہی سے حاصل ہوا ہے انہی کا فیض ہے۔ ڈاکٹر محمد استعلامی لکھتے ہیں : ١ نفحات ا لانس ، تحقیق ، تدوین ، تصحیح ڈاکٹر محمود عابدی ، ص٤٢٧ ناشر : موسسہ اطلاعات تہران ١٩٩٦ء ٢ ایضاً ، ص٤٢٩ ٣ ایضاً ص ٥٩٧