تبصرہ سہ ماہی’’ الشارق‘‘ جامعہ اسلامیہ مظفرپور،ضلع اعظم گڑھ، یوپی
داڑھی رکھنے کے وجوب اور اس کے مونڈنے کے حرام ہونے پر علماء کا مطلق اتفاق ہے ، اختلاف ہے تو اصلاح ریش میں کم اور زیادہ کی مقدار پر، زیر نظر کتاب میں اسی مسئلہ پر عالمانہ بحث کی گئی ہے، مرفوع احادیث، سلف صالحین کے تعامل، ائمہ اربعہ کے مسلک، جمہور کی تائید میں مختلف درجات کی روایات اور شیخ البانی کے نقطہ نظر جیسے عنوانوں کے تحت سیر حاصل اور سنجیدہ گفتگو کے بعد واضح کیا گیا ہے کہ جمہور علمائے امت کا مسلک مطلق ارسال لحیہ( داڑھی چھوڑنے) کے وجوب کا نہیں ہے، اس قدیم فقہی بحث میں اب بھی اختلاف فکروعمل کی گنجائش ہے لیکن اس رسالہ کے مندرجات سے اختلاف دشوار ہے اس کتاب کی خاص خوبی یہی ہے کہ دلائل اور اثبات قول میں علمی متانت کو ملحوظ رکھا گیا ہے، عام مناظرانہ رنگ کہیں غالب نہیں ، اس موضوع سے دلچسپی رکھنے والوں کے لیے یہ رسالہ قامت میں کمتر لیکن قدر میں کہیں بڑھ کر ہے۔
(سہ ماہی ’’ الشارق‘‘ شمارہ: جولائی،اگست، ستمبر ۲۰۰۲ء)
٭٭
