تبصرہ ماہنامہ معارف
اعظم گڑھ
داڑھی رکھنے کے امر واجب کی تعمیل میں علماء اس مسئلے پر مختلف الرائے ہیں کہ مطلق ارسال مطلوب ومستحب ہے یا اصلاح لحیہ کی بھی گنجائش ہے، اس مختصر رسالے میں روایات وآثار صحابہؓ اور اقوال ائمہ اربعہ کی روشنی میں بدلائل ثابت کیا گیا ہے کہ جمہور علماء کے نزدیک مطلق ارسال لحیہ واجب نہیں اس سے پہلے لائق مؤلف نے مسنون دعائوں کا ایک مفید مجموعہ شائع کیا تھا۔ وہ ایک متدین،باصلاحیت اورسنجیدہ مزاج عالم ہیں ، لیکن اندازہ ہوتا ہے کہ مذکورہ بحث ایک خاص مسلک کی تردید میں ہے اور گوعام انداز متوازن ومعتدل ہے تاہم کہیں کہیں شدت میں بعض نامناسب اور غیر ضروری جملے بھی جزء بحث بن گئے ہیں ، ان سے احتراز ممکن ومناسب تھا۔
(ماہنامہ معارف اعظم گڑھ، شمارہ فروری ۱۹۹۷ء)
٭