ماہنامہ انوار مدینہ لاہور جون 2017 |
اكستان |
 |
علمی مضامین سلسلہ نمبر١٤ قسط : ٦ ''خانقاہِ حامدیہ''نزد جامعہ مدنیہ جدید رائیونڈ روڈ لاہورکی جانب سے محدث ، فقیہ، مؤرخ، مجاہد فی سبیل اللہ،مؤلف کتب کثیرہ شیخ الحدیث حضرت اَقدس مولانا سیّد محمد میاں صاحب رحمة اللہ علیہ کے بعض اہم مضامین جو تاحال طبع نہیں ہوسکے اُنہیں سلسلہ وار شائع کرنے کا اہتمام کیا گیا ہے جبکہ اُن کی نوع بنوع خصوصیات اِس بات کی متقاضی ہیں کہ اِفادۂ عام کی خاطر اُن کو شائع کردیا جائے۔ اِسی سلسلہ میں بعض وہ مضامین بھی شائع کیے جائیں گے جو بعض جرا ئد و اَخبارات میں مختلف مواقع پر شائع ہو چکے ہیں تاکہ ایک ہی لڑی میں تمام مضامین مرتب و یکجا محفوظ ہو جائیں۔ (اِدارہ)حیاتِ مسلم پیدائش سے وفات تک سنن مستحبا ت، بدعات و مکروہات ( شیخ الحدیث حضرت مولانا سیّد محمد میاں صاحب )نذر اور منت : آپ نے زبان سے کہا کہ اے اللہ اگر فلاں بیمار اچھا ہوجائے یا فلاں کام ہوجائے تومیں تیرے نام کا بکرا ذبح کروں گا یا فلاں کارِ خیر میں اتنی رقم خرچ کروں گا ۔توحقیقت یہ ہے کہ یہ خرچ کرنا یا یہ ذبح کرنا حکمِ خدا کو نہیں بدل سکتا آنحضرت ۖ کاارشاد ہے کہ نذر اور منت کے بعد بھی وہی ہوتا ہے جو مقدر ہوتا ہے البتہ نذر اِس کی علامت ہے کہ اِس کا دل پسیجا یہاں تک کہ وہ اس خرچ کے لیے آمادہ ہو گیا جس کا پہلے ارادہ نہیں تھا جس کے خرچ کرنے میں بخل کر رہا تھا۔ ١ دل کا نرم پڑنا، پسیجنا، گڑ گڑانا یہ ہے اصل جوہر، اللہ تعالیٰ کے یہاں اِسی کی قدر ہے حتی کہ واجب قربانی جوآپ بقر عید کے موقع پر کرتے ہیں اُس کے متعلق بھی اللہ تعالیٰ کا ارشاد ہے : ------------------------------١ بخاری شریف کتاب الایمان و النذور رقم الحدیث : ٦٦٩٤