ماہنامہ انوار مدینہ لاہور جون 2017 |
اكستان |
|
سلسلہ نمبر٣ قسط : ٢،آخری ''خانقاہِ حامدیہ'' کی جانب سے اَنوارِ مدینہ میں شیخ الاسلام حضرت اقدس مولانا سیّد حسین احمد مد نی قدس سرہ العزیز کے مضامین شائع کرنے کا اہتمام کیا جا رہا ہے حضرتکے متوسلین و خدام سے التماس ہے کہ اگر اُن کے پاس حضرت کے مضامین ہوں تواِدارہ کو اِرسال فرما کر عندالناس مشکور اور عنداللہ ماجور ہوں۔ (اِدارہ)اسلام اور فریضہ تبلیغ ہمدردی نوعِ انسان کا ہمہ گیر جذبہ ( شیخ الاسلام حضرت مولانا سیّد حسین احمد صاحب مدنی )مسلمانوں کے مستحقِ تبلیغ ہونے کی دوسری وجہ : علاوہ ازیں چونکہ مسلمانوں کے پیغمبر تمام رُوئے زمین کے بسنے والے اور عام اقوام کے لیے ریفارمر اور مصلح بنائے گئے ہیں جیسا کہ فرمایا جاتا ہے( وَمَآ اَرْسَلْنٰکَ اِلَّا کَآفَّةً لِّلنَّاسِ بَشِیْرًا وَّ نَذِیْرًا ) ١ ''ہم نے تم کو صرف تمام آدمیوں کے لیے خوشخبری دینے والا اور عذاب سے ڈرانے والا بنا کر بھیجا ہے۔'' دوسری جگہ فرماتے ہیں( تَبَارَکَ الَّذِیْ نَزَّلَ الْفُرْقَانَ عَلٰی عَبْدِہ لِیَکُوْنَ لِلْعٰلَمِیْنَ نَذِیْرًا ) ٢ ''نہایت برکت والی ہے وہ ذات جس نے فرقانِ حمید کو اپنے خاص بندے پر اِس لیے اُتارا کہ تمام عالَموں کے لیے خدا کی پکڑ اور ناراضی سے ڈرانے والے ہوجائیں۔'' اس لیے مسلمانوں کا فریضہ اصلی ہے کہ آنحضرت ۖ کی نمائندگی اور قائم مقامی کر کے تمام اقوامِ عالم کو آنحضرت علیہ السلام کے دین اور شریعت سے آگاہ کریں اور اُن کے سامنے حقانیت اسلام کے آفتاب کو روشن کردیں ان کو صحیح راستہ کی طرف بلائیں اور حقیقی شفاء اور دوا پر مطلع کریں۔ ------------------------------١ سُورة الفرقان : ٢٨ ٢ سُورة الفرقان : ١