تجلیات الہیہ کی غیر فانی لذت |
ہم نوٹ : |
|
اس وعظ کا تعارف جس طرح اللہ تعالیٰ کی ذات بے مثل ہے، ان کی صفات بھی بے مثل ہیں۔ جس خالق نے اپنی مخلوقات میں لذت اور ذائقے کی فراوانی رکھی ہے خود ان کی ذات کس قدر حامل لذات ہوگی۔ یہی وجہ ہے کہ عاشقانِ خدا اللہ تعالیٰ کے نام کی لذت سے ہر وقت مست رہتے ہیں۔ اللہ تعالیٰ کے نام کی یہ لذت صرف عبادات اور وظیفوں سے نہیں ملتی بلکہ اس کے لیے تقویٰ اور اللہ والوں کی صحبت اختیار کرنا بھی لازمی امر ہے۔ شیخ العرب والعجم عارف باللہ مجدد زمانہ حضرت اقدس مولانا شاہ حکیم محمد اختر صاحب رحمۃ اللہ علیہ نے اپنے وعظ ’’تجلیاتِ الٰہیہ کی غیر فانی لذت‘‘ میں اولیاء اللہ پر اللہ تعالیٰ کی اس نسبت خاصہ کا ذکر فرمایا ہے جو قلوب اولیاء کو ہر وقت اللہ تعالیٰ کے قرب کی مسرتوں سے مست و شاد رکھتی ہے جو اس آیت کی عملی تفسیر ہے جس میں اللہ تعالیٰ نے اپنے فرماں بردار بندوں کو حیاتِ طیبہ اور بالطف زندگی عطا فرمانے کی بشارت دی ہے۔