قلب عارف کی آہ و فغاں |
ہم نوٹ : |
|
خدائے تعالیٰ ہم کو بھی اور آپ سب کو بھی جذب کرکے اپنا بنالیں، اگر ہم اپنی نفسانیت اور نالائقیت کی وجہ سے آپ کے نہ بھی بننا چاہیں تو اے خدا! ہم کو زبردستی جذب کرلے بطفیل ان بزرگوں کے جن کا ہم نے ہاتھ پکڑا ہے، ان بزرگوں کے صدقے میں ہم کو نفس و شیطان کی غلامی سے نکال کر سو فی صد اپنا بنالے۔یہ رسالہ قشیریہ کی دعا ہے،علامہ ابوالقاسم قشیری رحمۃ اللہ علیہ کی دعا ہے جو حضرت علی ہجویری رحمۃ اللہ علیہ کے زمانے ہی کے ہیں۔ لاہور کے حضرت علی ہجویری رحمۃ اللہ علیہ کی قبر پر ہم لوگوں نے ابھی حاضری دی ہے، ان دونوں بزرگوں کی ملاقاتیں رہتی تھیں۔یہ علامہ ابو القاسم قشیری کا جملہ ہے کہ اے خدا!نفس و شیطان کی غلامی سے نکال کر سو فی صد ہم کو اپنی فرماں برداری عطا فرما دیں۔ ایک کروڑ آمین اے میرے ربُّ العالمین ۔ بتائیے! آج اللہ کی محبت کا کیسا تذکرہ ہوا۔ میں نے اس باغ کی روح نکال لی اور روح نکال کر آپ کے دلوں میں ڈال دی، اب باغ یہیں رہنے دو اور روحِ باغ لے چلو اور وہ ہے اللہ کا ذکر۔ وَاٰخِرُدَعْوَانَا اَنِ الْحَمْدُلِلہ ِرَبّ الْعَالَمِیْنَ