قلب عارف کی آہ و فغاں |
ہم نوٹ : |
 |
اللہ تعالیٰ کی اس صفت کا ظہور ہوجاتا ہے۔تو اللہ تعالیٰ نے ہم کو آرام سے جینے کے لیے اپنے ننانوے نام نازل فرمائے کہ تم کو جیسی ضرورت پڑے میرا ویسا نام لینا اور اپنا کام بنالینا۔پرانے زمانے کی نانی اور دادی بچوں کو یہ کہہ کر سلاتی تھیں:تو لے اللہ کا نام تیرا سب بنے گا کام،اور اللہ اللہ کیا کرو دودھ بتاشہ پیا کرو۔ وظیفہ برائے حل المشکلات اب دوسرا وظیفہ سنیے، یہ آج کا عجیب و غریب سبق ہے۔ میرے مرشدِ ثانی شاہ ابرار الحق صاحب دامت برکاتہم نے فرمایا کہ اللہ کے چار نام حل المشکلات ہیں، کسی بھی مشکل میں پڑو تو یَا صَمَدُ یَا عَزِیْزُ یَا مُغْنِیُ یَا نَاصِرُ پڑھتے رہو، اس میں کوئی تعداد نہیں ہے، مگر اتنا پڑھو کہ دماغ گرم نہ ہو، تھوڑی دیر پڑھو پھر خاموش ہوجاؤ، جیسے موٹر چلاتے ہو تو اس کے انجن کو ٹھنڈا کرتے ہو یا نہیں؟ موٹر سو میل چلی تو آپ کہتے ہیں کہ انجن گرم ہوگیا ہے، چلو کہیں رُک کر چائے پیتے ہیں تب تک اس کا انجن ٹھنڈا ہوجائے گا۔ تو بہت زیادہ وظیفہ پڑھنے سے جسے نقصان ہونے لگےمثلاً نیند کم آئے اور مزاج میں چڑچڑا پن پیدا ہوجائے تو اس کے لیے زیادہ وظیفہ پڑھنا جائز نہیں ہے بلکہ گناہ ہے کیوں کہ اخلاق میں اعتدال رکھنا فرض ہے اور اپنے ذریعے سے کسی کو اذیت پہنچانا حرام ہے، زیادہ وظیفہ پڑھنے سے جس کے مزاج میں اتنی گرمی بڑھ جائے کہ ہر کسی سے لڑنے لگے اس کے لیے اتنا وظیفہ پڑھنا جائز نہیں ہے۔ صَمَدُ کی تعریف صَمَدُ کے کیا معنیٰ ہیں؟ حضرت ابو ہریرہ رضی اللہ عنہ فرماتے ہیں کہ صَمَدُ کی تفسیر ہے اَلْمُسْتَغْنِیْ عَنْ کُلِّ اَحَدٍ صمد وہ ذات ہے جو سارے عالم سے بے نیاز ہو، مستغنی ہو، وَالْمُحْتَاجُ اِلَیْہِ کُلُّ اَحَدٍ 2؎ اور سارا عالم اس کا محتاج ہو۔ تو اللہ کے اس نام کی برکت سے ان شاء اللہ یہ بندہ بھی مخلوق سے بے نیاز ہوگا اور مخلوق سے اس کی احتیاج اللہ تعالیٰ وابستہ بھی _____________________________________________ 2؎روح المعانی274/30 ،الاخلاص(2) ، داراحیاءالتراث،بیروت